Ҳурматли истеъмолчилар!
Жорий йилнинг 12 январь куни истеъмолчиларни ёқилғи-энергетика ресурслари билан таъминлаш бўйича амалга оширилган ишлар юзасидан маълумот бериб ўтамиз.
Хусусан, кеча, 12 январь куни иссиқлик электр станциялари ва гидро электр станциялари орқали 210 миллион 300 минг киловатт соат электр энергияси ишлаб чиқарилди. Шундан республика истеъмолчиларига 207 миллион 500 минг киловатт соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 102 миллион 510 минг метр куб табиий газ етказиб бериш режалаштирилган ҳолда амалда 103 миллион 131 минг метр куб табиий газ етказиб берилди. Шунингдек, республика истеъмолчиларига жами 1 минг 958 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 12 январь куни “Ўзбеккўмир” акциядорлик жамияти томонидан 12 минг 451 тонна кўмир маҳсулотлари етказиб берилди.
“Тошкент ИЭС” АЖдаги 1-сон энергоблокнинг таъмирлаш ишлари якунланиб 13.01.2021 йил соат 08:00да топширди ва блок системага улашга тайёрланмоқда.
“Ҳудудгаз Жиззах” газ таъминот филиалига қарашли “Арнасой” ГРСидан келаётган юқори босимли ер усти газ қувурининг газ сизиб чиқиш ҳолатини бартараф этиш учун “Арнасой” ГРСни 2021 йил 12 январь куни соат 14:00 дан 17:30 га қадар табиий газ етказиб бериш тўхтатилди. Аҳоли хонадонлари сони – 2960 та. Улгуржи истеъмолчилари - 46 та.
Бухоро вилояти Когон тумани Сухор МФЙ ҳудудидан ўтувчи ўрта босимли ер ости газ қувурида таъмирлаш ишлари олиб борилганлиги сабабли, 12 январь куни соат 13:00 дан 17:00 га қадар (жами 4078 та хонадон) газ таъминоти тўхтатилган.
Шунингдек, Бухоро шаҳар С.Шерозий, Дилкушо, М.Наршахий, Гулистон, С.Раҳимов, Г.Ғулом, Янгиобод, Ф.Хўжаев, Ибн Сино, Фурқат, А.Навоий, Кўкалдош, И.Бурхонов, Чорбахоса, М.Ашрафий МФЙлар ҳудудидан 219 мм.ли ўрта босим ер ости газ кувурини таъмирлаш ишлари олиб борилганлиги сабабли 2021 йил 12 январь куни соат 13:00 дан 17:00 га қадар жами 15 151 та хонадонда газ таъминоти тўхтатилган.
Шунингдек, бугун 13 январь куни, соат 11:00-17:00 вақт оралиғида “Chilonzortumangaz” газ таъминоти бўлими томонидан тумандаги “Чилонзор” ва “Чорбоғ” кўчаларидан ўтган ер усти газ қувурларида таъмирлаш ишлари олиб борилганлиги сабабли, “Чорбоғ” кўчасида 42 та, “Бешқўрғон” кўчасида 40 та, “Чилонзор” ва 1-берк кўчасидаги 50 та ерли аҳоли хонадонларда табиий газ таъминоти вақтинча тўхтатилди. Таъмирлаш ишларидан сўнг, табиий газ таъминоти қайта тикланди.
Ромитан туман “Қаҳрамон” МФЙ ҳудудидан ўтувчи юқори босимли газ қувуридаги авария ҳолатини бартараф этиш мақсадида 13 январь куни соат 14:00 дан соат 17:00 га қадар туманнинг “Ибн Сино”, “Садр”, “Деча”, “Навбаҳор”, “Малишояк”, “Боғимусо”, “Валфажир”, “Пешкў”, “Янгибозор”, “Мустақиллик” ва “Чиғирчи” МФЙларида табиий газ таъминоти вақтинчалик тўхтатилди. Таъмирлаш ишлари тугатилганидан сўнг табиий газ таъминоти қайта тикланди.
Эртага, 14 январь куни соат 11:00-16:00 вақт оралиғида “Sergelitumangaz” газ таъминоти бўлими томонидан туманнинг “Қум Ариқ” МФЙдаги кириш кўчаларидаги электрон газ ҳисоблич ускуналарни Давлат қиёслов кўригидан ўтказиш ишлари олиб борилиши сабабли, “Қум Ариқ” МФЙдаги 298 та ерли аҳоли хонадонларда табиий газ таъминоти вақтинча тўхтатилади.
14 январь куни соат 11:00-17:00 вақт оралиғида “Olmazortumangaz” газ таъминоти бўлими томонидан тумандаги “Гулзор” МФЙ, "Шумилов" кўчасида жойлашган ўрта босимли ер усти газ қувурида таъмирлаш ишлари олиб борилиши сабабли, “Гулзор” МФЙдаги 85 та ерли аҳоли хонадонларда табиий газ таъминоти вақтинча тўхтатилади. Таъмирлаш ишлари тугатилгандан сўнг, табиий газ таъминоти қайта тикланади.
Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
76
