“АCWA Power” компанияси (Саудия Арабистони) Бухоро вилоятининг Пешку ва Ғиждувон туманларида шамол салоҳиятини ўрганиш учун режалаштирилган 18 та метереологик устундан 10 тасини ўрнатди. Мазкур компания томонидан умумий қуввати 1000 МВт бўлган шамол электр станциялари (ШЭС) қурилади.
Шамол салоҳиятини ўрганиш ишлари 2020 йилнинг август ойида бошланган бўлиб, 12 ой давомида олиб борилади.
Шамолнинг тезлиги, йўналиши ва давомийлиги, шунингдек ҳудудлардаги об-ҳаво шароитиларининг ўзгариши каби маълумотларни ўлчаш учун 100 метр баландликдаги махсус датчиклар ўрнатилади. Ушбу ишларга юқори малакали маҳаллий ва хорижий мутахассислар жалб қилинган.
Қайта тикланадиган энергия манбаси (шамол) асосида электр станцияларни қуриш лойиҳаси умумий қиймати 1 миллиард АҚШ долларига тенг бўлган, 100 фоиз тўғридан-тўғри инвестицияларни жалб қилиш йўли билан амалга оширилади.
Маълумот учун, 2020 йилнинг 4 май куни давлатимиз раҳбарининг ёқилғи-энергетика тармоғида самарадорликни ошириш масалалари юзасидан ўтказган йиғилишида “АCWA Power” компанияси билан биргаликда шамол электр станцияларини қуриш бўйича ишларни жадаллаштириш топшириғи берилган эди.
Ўзбекистон Республикаси
Энергетика вазирлиги Матбуот хизмати
1301
