Жорий йилнинг 1 июль куни Энергетика вазирлигида видеоконференц алоқа орқали Ўзбекистон Республикаси Президентининг “Ijro.gov.uz” ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида” 2021 йил 31 майдаги ПҚ–5132-сон қарори мазмун-моҳиятини тушунтириш ҳамда вазирлик ва унинг тизими ташкилотларида ижро интизомини мустаҳкамлаш бўйича ўқув-амалий семинар бўлиб ўтди.
Унда Энергетика вазири ўринбосани Б.Нарматов, Ўзбекистон Республикаси Вазирлар Маҳкамасининг Геология, энергетика, саноат ва унинг базавий тармоқларини ривожлантириш масалалари департаменти масъул ходими, шунингдек Энергетика вазирлиги марказий аппарати ҳамда тизим ташкилотлари раҳбар-ходимлари иштирок этди.
Ушбу ўқув-амалий семинарда ПҚ–5132-сон қарори мазмун-моҳияти тушунтирилди ва мазкур қарор талабларидан келиб чиққан ҳолда зарур чораларни амалга оширишнинг натижалари муҳокама қилиниб, унда белгиланган вазифларни ўз вақтида бажариш бўйича кечиктириб бўлмайдиган чора-тадбирлар белгилаб олинди.
Ўқув-амалий семинар иштирокчилари ўзларини қизиқтирган саволларга жавоб олдилар.
Энергетика вазирлиги Матбуот хизмати
