“O‘zbekneftgaz” AJ tasarrufidagi korxona va boshqarmalarda energiya resurslari sarfini kamaytirishga qaratilgan bir qator tadbirlar amalga oshirilmoqda.
Bunda ilg‘or xorijiy tajribani inobatga olib, mavjud resurslarni va ishga solinmagan salohiyatni jalb etish orqali energiya samaradorligini oshirishga hamda energiya tejovchi texnologiyalar va qayta tiklanuvchi energiya manbalari keng joriy etilmoqda.
Xususan, Muborak gazni qayta ishlash zavodi ishlab chiqarish ob‘yektlarida energiya sarfini kamaytirish va iqtisod qilish maqsadida, qayta tiklanuvchi va muqobil energiya manbalari qurilmalarini joriy qilish bo‘yicha o‘tgan yillar mobaynida 65 700 kVt*soat elektr energiyasi tejalishiga erishilgan edi.
O‘zbekiston Respublikasi Prezidentining "Iqtisodiyot va ijtimoiy tarmoqlarning energiya samaradorligini oshirish, energiya tejovchi texnologiyalarni joriy etish va qayta tiklanuvchi energiya manbalarini rivojlantirishni jadallashtirish chora-tadbirlari to‘g‘risida" 2019 yil 22 avgustdagi PQ–4422-sonli qarori ijrosini ta‘minlash yuzasidan 2021 yilda zavod tomonidan quyosh elektr stansiyasi, quyosh panellari va quyosh suv isitgichlar o‘rnatish orqali elektr energiyasini iqtisod qilish bo‘yicha chora-tadbirlar ishlab chiqildi.
Energiya samaradorligini oshirish, qayta tiklanuvchi energiya manbalarini joriy etish natijasida 2021 yilda 10 800 kVt* soat elektr energiyasi tejalishiga erishish rejalashtirilmoqda.
“O‘zbekneftgaz” AJ Matbuot xizmati
