Ўзбекистон Республикаси Президентининг 2021 йил 16 июндаги ПФ-6247-сон Фармони, 1-иловаси, 16-бандида “Лицензия ва рухсат этиш хусусиятига эга ҳужжатларни беришга ваколатли ҳамда хабарномаларни қабул қиладиган органларнинг ҳудудлар кесимида масъул ходимлари, шу жумладан ушбу тоифадаги ҳужжатларни беришни ташкиллаштирадиган тегишли комиссия аъзолари (фамилияси, исми ва отасининг исми, эгаллаб турган лавозими) тўғрисидаги маълумотлар” расмий веб-сайт ва “licence.gov.uz” сайтларида жойлаштириб борилиши белгиланган.

Ўз навбатида, Ўзбекистон Республикаси Вазирлар Маҳкамасининг 2022 йил 21 февралда “Махсус электрон тизим орқали айрим фаолият турларини лицензиялаш тартиби тўғрисидаги ягона низомни тасдиқлаш ҳақида”ги 80-сон қарори қабул қилинди.

Мазкур қарорнинг 1-иловаси билан “Махсус электрон тизим орқали айрим фаолият турларини лицензиялаш тартиби тўғрисида”ги низом тасдиқланган ҳамда ушбу қарорнинг 4-иловаси 47-бандига асосан нефть-газ соҳаси учун лицензия бериш бўйича комиссия таркиби фаолияти тугатилганлиги маълум қилинади.