Xabar berganimizdek, anomal sovuq harorat tufayli tizimda yuklamalarning keskin ortishi natijasida ayrim gaz va elektr tarmoqlarida nosozliklar yuzaga kelib, ta’minotda qisqa muddatli uzilishlar sodir bo‘lmoqda.

Nosozliklarni bartaraf etish uchun barcha korxonalarda 24 soat faoliyat yurituvchi 1000 dan ortiq maxsus brigada tashkil etilgan bo‘lib, ular zarur transport vositalari, qo‘shimcha elektr va gaz qurilmalari zaxiralari bilan ta’minlangan.

Bugungi kunda brigadalar tomonidan sodir bo‘lgan nosozliklar tezkorlik bilan bartaraf etilishi ta’minlamoqda.

Tizimdagi nosozliklarni bartaraf etish ishlari aholini xabardor qilgan holda amalga oshirilib, tiklash-ta’mirlash jarayonlari hududiy elektr va gaz ta’minoti korxonalarining ijtimoiy tarmoqlardagi sahifalarida e’lon qilib borilmoqda.

Ta’mirlash ishlari jarayonida ta’minotdagi qisqa muddatli uzilishlar natijasida keltirilayotgan noqulayliklar uchun iste’molchilardan uzr so‘raymiz.

Energetika vazirligi Matbuot xizmati