Toshkent viloyatining Yangiyo‘l shahri va Yangiyo‘l tumanining ayrim hududlarini elektr energiyasi bilan ta’minlovchi tarmoqda nosozlik yuzaga keldi. Buning natijasida Yangiyo‘l shahri va tumanining ayrim hududlarida elektr ta’minotida uzilishlar kuzatilmoqda.

Shuningdek, Toshkent tumanining ayrim hududlarini elektr energiyasi bilan ta’minlovchi “L-Sariag‘ach” elektr uzatish tarmog‘ida yuklama ortib keteshi natijasida avariyaviy uzilish sodir bo‘ldi.

Buning natijasida tumanning Iqbol, Sabzavot, Tutzor, Darxon, Avliyo Ota, Oydin hayot, Hasanboy guzari, Chuvalachi, Istiqbol, Gultepa, Shirin, Ma’rifat, Gulobod, Kalas, Uchchinor, Uchsada, Farovon, Ko‘kterak, Obodlik, Hiyobon, Sohibkor, Zargar, Majnuntol mahallalarining elektr ta’minotida uzilish kuzatilmoqda.

Hozirgi vaqtda elektr tarmoqlari korxonalarining maxsus brigadalari tomonidan ta’mirlash ishlari olib borilmoqda. Ta’mirlash ishlari qisqa fursatlarda bartaraf etiladi.

Keltirilgan noqulayliklar uchun iste’molchilardan uzr so‘raymiz.