Ўзбекистон Республикаси Бош вазири томонидан “Энергия самарадорлиги ва қайта тикланувчи энергия манбаларини ривожлантириш масалалари бўйича республика комиссияси мажлиси”нинг 2019 йил 23 декабрдаги 42-сон Баёни тасдиқланиши таъминланди.
Ушбу Баёнда Ўзбекистон Республикаси Президентининг 2019 йил 22 августдаги “Иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологияларни жорий этиш ва қайта тикланувчи энергия манбаларини ривожлантиришнинг тезкор чора-тадбирлари тўғрисида” ПҚ-4422-сон қарори топшириқлари ижроси натижалари ва мавжуд муаммолар муҳокама этилган ҳамда келгусидаги устувор вазифалар белгиланган.
Шу билан бирга, “Энергия самарадорлиги ва қайта тикланувчи энергия манбаларини ривожлантириш масалалари бўйича ҳудудий комиссиялар” (Ҳудудий комиссиялар – Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари) томонидан юқорида номи қайд этилган қарор топшириқлари ижроси бўйича кўрилаётган чораларни етарли эмаслиги ва натижаси пастлиги ҳамда ҳудудлардаги давлат ва хўжалик бошқаруви идоралари, корхоналар ва ташкилотларнинг бу борада амалга ошираётган ишлари танқидий баҳоланиб, ушбу баён барча иловалари билан ҳудудий комиссияларга, тегишли вазирликлар ва идораларга, “Ўзэнергоинспекция”га, “Ўзнефтгазинспекция”га тарқатилиши ташкил қилинган.
Мазкур баён асосида:
иқтисодиёт тармоқларининг энергияни кўп сарфлайдиган йирик корхоналари кесимида 2020- 2022 йилларда энергия самарадорлигини ошириш ва ёқилғи-энергетика ресурсларини тежашнинг мақсадли кўрсаткичлари
l-иловага мувофиқ;
2020 йил чораклари кесимида энергия самарадорлигини ошириш ва ёқилғи-энергетика ресурсларини тежашнинг мақсадли кўрсаткичлари 1а-иловага мувофиқ;
2020 йилда ёқилги-энергетика ресурсларини тежаш тадбирлари ижросини ўрганиш режа-жадвали 2-иловага мувофиқ;
“Умумий ҳажми 2000 тоннадан ортиқ шартли ёқилги ёки бир минг тонна мотор ёқилғисига тенг ресурсларни сарфлайдиган корхоналарда 2020-2022 йиллар давомида мажбурий энергетика текширувини ўтказиш” жадвали 2а-иловага мувофиқ тасдиқланишига эришилган.
