Ўзбекистон Республикаси Бош вазири томонидан “Энергия самарадорлиги ва қайта тикланувчи энергия манбаларини ривожлантириш масалалари бўйича республика комиссияси мажлиси”нинг 2019 йил 15 октябрдаги 33-сонли Баёнини тасдиқланиши таъминланди.
Мазкур Баён асосида:
вазирлик, идора, ташкилотлар ҳамда хўжалик бошқаруви органларининг 2020 йилда қайта тикланувчи энергия манбалари, бошқа энергия тежамкор ва энергия самарадор ускуналар билан таъминланувчи ҳамда иссиқликни тежаш бўйича тадбирлар амалга ошириладиган объектлар рўйхатлари;
“Ёқилғи-энергетика ресурларини иқтисод қилиш ва энергия самарадорлигини ошириш кўрсаткичларини аниқлаш” Методикаси;
ёқилғи-энергетика ресурсларини иқтисод қилиниши ва самарадорлигини баҳолаш мақсадида, иқтисодиёт тармоқларидаги энергия истеъмоли юқори бўлган 30 та йирик вазирлик ва идоралар рўйхатлари тасдиқланиши ташкил қилинди.
Шу билан бирга, тегишли вазирликлар, идоралар ва ташкилотларнинг масъул ходимлари иштирокида, “Ёқилғи-энергетика ресурларини иқтисод қилиш ва энергия самарадорлигини ошириш кўрсаткичларини аниқлаш” Методикаси ҳамда унинг 1-, 2- ва 3-иловалари асосида 2020-2022 йилларда электр энергияси, табиий газ ва нефть маҳсулотларини тежаш, энергия самарадорлигини ошириш ва ёқилғи-энергетика ресурсларидан оқилона фойдаланиш, мавзуга оид ҳисоб-китобларни аниқлаш юзасидан 2019 йил 1 ноябрда семинар ва давра-суҳбати, 20 ноябрда брифинг ташкиллаштирилди.
