Ўзбекистон Республикаси ва Бирлашган Миллатлар Ташкилотининг Тараққиёт Дастури (БМТТД) ҳамкорликдаги лойиҳаси доирасида жорий йил Қорақалпоғистон Республикасидаги сув иситгичи ва вакуумли қуёшли коллекторлари ҳамда ер ости сувидан фойдаланиш учун мулжалланган насослар қуёш энергияси орқали ишлайдиган қуёш панеллари ўрнатилди.
Хусусан, Муйноқ тумани 1 ва 9-умумтаълим мактаби, Тахтакўпир тумани 3 ва 16- умумтаълим мактаби, Чимбой тумани 38 ва 44- умумтаълим мактаби, Бозатау тумани 4 ва 7- умумтаълим мактаби, Қонликул тумани 13- умумтаълим мактаби ва Кегейли тумани 19- умумтаълим мактаби жами қуввати 15 кВт бўлган қуёшли сув иситгичи ва вакуумли қуёшли коллекторлари ҳамда ер ости сувидан фойдаланиш учун мўлжалланган насослар қуёш энергияси орқали ишлайдиган жами қуввати 12 кВт бўлган қуёш панеллари ўрнатилди.
Иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологиялар ва қайта тикланувчи энергия манбаларини кенг жорий этиш давлат сиёсатининг ҳозирги босқичдаги долзарб йўналишларидан бири бўлиб қолиши лозим.
Юқоридаги лойиҳалар эса юртимизда қайта тикланувчи энергия манбаларини ривожлантиришда ва электр энергетика соҳаси тизимини сифат жиҳатидан яхшиланишига хизмат қилиши билан аҳамиятлидир.
“Ўзэнергоинспекция” Матбуот хизмати
661
