Ўзбекистон Республикаси “Энергиядан оқилона фойдаланиш” тўғрисида Қонунига мувофиқ иқтисодиёт тармоқларида ёқилғи энергетика ресурсларини оқилона тақсимлаш ва улардан самарали фойдаланиш мақсадида Ўзбекситон республикаси иқтисодиёти соҳаларида ёқилғи-энергетика ресурсларининг сарфини меъёрлаш бўйича тартиби тасдиқланган.
Мазкур мавзу юзасидан “Ўзэнергоинспекция” Тошкент шаҳар бўлими томонидан тадбиркорлик субъектлари ходимлари иштирокида семинар-трининг бўлиб ўтди.
Маълумки, юртимизда бир йилда камида 300 қуёшли кун мавжуд. Қуёш сув иситиш тизимининг фойдали тарафлари шундан иборатки, бир йиллик иссиқ сув учун харажатларни 80 фоизга, иссиқ сув тизими учун 60 фоизга қисқартириш имкониятини беради. Қуёш сув иситиш тизимининг яроқлик муддати 25-30 йил бўлса, бошланғич қилинган харажатларнинг газ ва электр энергия нархини ўсиши ҳисобига олганда оқлаш муддати 3-4 йил бўлиши ёки ундан ҳам муддатни ташкил этиши мумкин.
Учрашув қатнашчиларига қайта тикланувчи энергия манбалари тўғрисида маълумотларни янада халқчил ва содда қилиб тушунтириш, миллий энергия ресурсларидан оқилона ва самарали фойдаланиш, электр энергетика соҳасидаги ислоҳотлар ва ўзгаришларни осонроқ қилиб етказиш, учрашувни янада қизиқарли қилиб ўтказиш мақсадида учрашув иштирокчилари ва қатнашчилари ўртасида савол-жавоб тариқасида ташкил этилди.
Истеъмолчиларнинг ёқилғи-энергетика ресурсларининг сарфланишини меъёрлаш бўйича ишлар ихтисослаштирилган ташкилотларининг, илмий тадқиқот ва лойиҳалаш институтларининг, маҳаллий ёки ҳорижий энергия аудиторларининг миллий Ўзбекистон Давлат стандарти талаблари асосида энрегия менеджменти тизимини тадбиқ этиш ва ЁЭРнинг сарфланишини меъерлаш йўналишлари бўйича ўқув курсларида малака оширганликлари ҳақида гувоҳномага эга бўлган мутахассислар томонидан бажарилиши ушбу тартибда кўрсатиб ўтилганлиги тушунтирилди.
Республикамизда иқтисодиёт барқарор ўсишини таъминлашга ва аҳолининг фаровонлик даражасини оширишга, ёқилғи-энергетика ресурсларига бўлган талаб-эҳтиёжни узлуксиз қаноатлантиришга қаратилган нефть-газ, электр энергетика, кўмир, кимё, қурилиш индустриясини ривожлантиришнинг узоқ муддатли стратегияси амалга оширилмоқда. Шу билан бирга, ёқилғи-энергетика тармоғининг мавжуд қувватлари энергия ресурсларига ортиб бораётган талаб-эҳтиёжни тўлиқ даражада таъминланмаяпганлиги, мамлакатимиз иқтисодиётининг энергия сарфи ҳажми ривожланган мамлакатларнинг ўртача кўрсаткичидан анча юқорилиги қайд этилди.
Ҳозирги вақтда асосан гидроэлектростанциялар ишлаб чиқараётган қайта тикланувчи энергия манбалари ҳиссасига мамлакатда ишлаб чиқарилаётган электр энергияси умумий ҳажмининг атиги ўн фоизи тўғри келмоқда. Шунингдек, ниҳоятда катта салоҳият мавжуд бўлишига қарамасдан, қуёш ва шамол сингари қайта тикланувчи энергия манбаларининг имкониятларидан тўлиқ даражада фойдаланилмаяпганлиги қайд этилди.
Кун тартибига қўйилган “Қуёш фотоэлектрик станциялари ва қуёш сув иситиш қурилмаларини ўрнатиш давлат сиёсатининг ҳозирги босқичдаги долзарб йўналишларидан бири эканлиги ҳамда унинг афзалликлари” мавзусининг мақсади ва моҳияти бўйича учрашув қатнашчиларига атрофлича тушунтиришлар берилди.
Бугунги кунда хаммага маълумки кўмир, нефть ва табий газнинг захираси тугаб бормоқда. Оқибатда электр қувватнинг нархи ошишига олиб келиш эҳтимоли юқори. Шунинг учун ҳам муқобил энергияни бугунги кунда долзарб жавоб десак ҳам бўлади. Шулар қаторига қуёш орқали сувни иситиш тизими ҳам киради.
Учрашувда кун тартибидаги масалалар юзасидан “Ўзэнергоинспекция” Тошкент шаҳар бўлими мутахассислари томонидан фикр ва мулоҳазалар билдирилди.
“Ўзэнергоинспекция” Матбуот хизмати
1557
