Ҳурматли истеъмолчилар!
Жорий йилнинг 19 декабрь куни истеъмолчиларни ёқилғи-энергетика ресурслари билан таъминлаш бўйича амалга оширилган ишлар юзасидан маълумот бериб ўтамиз.
Хусусан, 19 декабрь куни иссиқлик электр станциялари ва гидро электр станциялари орқали 223 миллион 600 минг киловатт-соат электр энергияси ишлаб чиқарилди. Шундан республика истеъмолчиларига 215 миллион 500 минг киловатт-соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга прогноздаги 94 миллион 696 минг куб метр ўрнига амалда 106 миллион 943 минг куб метр табиий газ етказиб берилди. Шу билан бирга, аҳолига 1 минг 846 тонна суюлтирилган газ етказилди.
Истеъмолчиларни кўмир ва брикет маҳсулотлари билан таъминлаш мақсадида 19 декабрь куни “Ўзбеккўмир” акциядорлик жамияти томонидан 14 минг 175 тонна маҳаллий кўмир маҳсулотлари етказиб берилди.
Иссиқлик электр станцияларидаги барча энергоблоклар ўз номинал қувватида ишламоқда. Иш режими бўйича эътирозлар мавжуд эмас.Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
2020 йил 19 декабрь куни соат 10:00-17:00 оралиғида Олмазор тумани газ таъминоти бўлими томонидан туманнинг О.Бобожонов кўчасидан ўтган ўрта босимли ер усти газ қувурида таъмирлаш ишлари амалга оширилди. Шу сабабли туманнинг Хончорбоғ ва Мискин маҳаллаларидаги 2 ва 4-сонли кўп қаватли уйлардаги жами 265 та квартира ва 465 та ерли хонадонлар ҳамда 7 та улгуржи истеъмолчининг табиий газ таъминоти вақтинчалик тўхтатилди. Таъмирлаш ишларидан сўнг соат 17:00 дан бошлаб табиий газ таъминоти қайта тикланди.
Қарши шаҳрининг “Алишер Навоий” кўчасидан ўтган Д-325 мм.ли ер ости газ қувурига юк машинаси ҳайдовчисининг эҳтиётсизлиги туфайли шикаст етказилган. Натижада, табиий газ қувурида тирқиш юзага келган. Ушбу авария ҳолатини зудлик билан бартараф қилиш мақсадида, 2020 йил 19 декабрь куни соат 16:00 дан 18:00 га қадар Қарши шаҳрининг Ғофир Ғулом, Узумзор, Мағзон, Нахшаб, Оқтепа, Наво, “Қиличбек Қўрғонча”, Кат, Харамжўй, Заҳокимарон, Бўстон, Хўжахиёл, “Буюк турон”, Шоҳбекат, Геолог, Пахтазор, Хонтепа, Каманди, “Янги турмуш” маҳаллаларида, шунингдек, 1-2-4-5-6-7-8 митти туманларида вақтинчалик табиий газ таъминоти тўхтатилди.
Шу ўринда истеъмолчилардан иситиш мосламаларига эҳтиёткорлик билан муносабатда бўлишларини, газ ускуналаридан фойдаланишда хавфсизлик қоидаларига қаттиқ риоя қилишларини сўраймиз.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
633
