Президентимиз Шавкат Мирзиёев раҳбарлигида «Илм-фан ва инновацияларни ривожлантириш борасида олийгоҳ, илмий ташкилотлар, тармоқ ва ҳудудлар олдидаги устувор вазифалар»га бағишланган йиғилишда ҳудуд ва тармоқларни илмий ташкилотлар билан боғлаш, республикада илм-фан самарадорлигини ошириш, иқтисодиётга илм-фан ютуқлари ва ва инновацияларни кенг жорий этиш вазифаси қўйилди.
Хусусан, Энегетика вазирлиги раҳбарияти бошчилигида жорий йилнинг 7-9 декабрь кунлари Инновацион ривожланиш вазирлигида ташкил этилган Олий таълим муассасалари ҳамда республикада мавжуд барча илмий ташкилотлар томонидан тармоқларга жорий этишга тайёр бўлган илмий ишланмалар тақдимоти тингланди. Тақдимотда шунингдек, тармоқларда мавжуд муаммо ва эҳтиёжларни илмий ташкилотларга буюртма бериш бўйича музокаралар олиб борилди.
Мазкур тақдимотларда вазирликлар, давлат идоралари, уюшмалари, кластерлар, агентликлар, ОТМ ва ИТМлардан иборат 170 тага яқин ташкилот ва идоралар вакиллари иштирок этдилар. Масалан, энергетика соҳасида тадқиқотларни олиб бораётган олий таълим муассасалари ҳамда илмий ташкилотлар томонидан тақдим этилган иккита лойиҳа танлаб олинди.
«Ўзбекенерго» АЖ илмий-техника марказининг «Электр энергетикаси соҳасида меъёрлаш мезонлари» лойиҳасини ҳамда Тошкент давлат техника университетининг «Қуввати 0,37 кВтдан 7,5 кВт гача бўлган частотали ўзгартиргич яратиш» лойиҳасини Энергетика вазирлигининг тегишли тармоқ вакиллари томонидан жорий этиш масаласи кўриб чиқилишига келишилди.
Бундан ташқари, сув хўжалиги, қурилиш материаллари, қишлоқ хўжалиги, енгил саноат, кон-металлургия, транспорт, соғлиқни сақлаш, геология соҳаларидаги тармоқ вакиллари ва шу йўналишларда тадқиқотлар олиб бораётган олимларнинг учрашувлари бўлиб ўтди.
Тақдимот натижасига кўра, истиқболда илм-фанни мунтазам ислоҳ қилиб бориш мақсадида, ёқилғи-энергетика тизимида мавжуд муаммо ва эҳтиёжларга илмий ташкилотларнинг энг яхши инновацион ишланмалари ва стартап лойиҳалари сараланиб, ишлаб чиқаришга интеграция қилиш масаласалалари кўриб чиқилди.
Тақдимотлар орасидан бир неча лойиҳалар танлаб олинди ва Энергетика вазирлигининг тегишли тармоқ вакиллари томонидан жорий этиш масаласи кўриб чиқилди.
Жорий этишга ўрганиб чиқиш учун саралаб олинган ишланмаларнинг умумий қиймати 10 005 млн. сўмга тенг бўлиб, бундан олий таълим муассасаларига тегишли ишланмалар қиймати 3 550 млн. сўмни, илмий-тадқиқот муассасаларига тегишли ишланмалар қиймати 6 455 млн. сўмни ташкил қилди.
Энергетика вазирлиги тизим ташкилотларида бугунги кунда мавжуд муаммо ва эҳтиёжлар иш режаси тузилиб тақдимотда иштирок этган илмий ташкилотларга тақдим этилди.
Энергетика вазирлиги Матбуот хизмати
551
