Ҳурматли истеъмолчилар!
Жорий йилнинг 24 декабрь куни истеъмолчиларни ёқилғи-энергетика ресурслари билан таъминлаш бўйича амалга оширилган ишлар юзасидан маълумот бериб ўтамиз.
Хусусан, 24 декабрь куни иссиқлик электр станциялари ва гидро электр станциялари орқали 227 миллион 500 минг киловатт-соат электр энергияси ишлаб чиқарилди. Шундан республика истеъмолчиларига 215 миллион 600 минг киловатт-соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга прогноздаги 94 миллион 696 минг куб метр ўрнига амалда 107 миллион 105 минг куб метр табиий газ етказиб берилди. Шу билан бирга, аҳоли истеъмолчиларига 2 минг 105 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 24 декабрь куни “Ўзбеккўмир” акциядорлик жамияти томонидан 11 минг 229 тонна маҳаллий кўмир маҳсулотлари етказиб берилди.
Энергетика вазирлигининг навбатчилик қисмига электр энергияси таъминоти бўйича ҳудудлардан қилинган мурожаатлар “Ҳудудий электр тармоқлари” акциядорлик жамиятининг тегишли маъул мутахассисларига етказилди.
Тошкент вилоятининг Оққўрғон туманида жойлашган “Хамзабод”, “Халқабод” ва “Пахтакор” маҳалла фуыаролар йиғинларини табиий газ билан таъминловчи юқори босимли газ тақсимлаш нуқтасида таъмирлаш ишлари олиб борилиши сабабли, 2020 йилнинг 24 декабрь куни соат 09:00 дан 16:00 га қадар юқоридаги кўрсатилган маҳаллалардаги 186 та хонадонларда газ таъминоти вақтинча тўхтатилди. Таъмирлаш ишлари тугатилгандан сўнг, табиий газ таъминоти қайта тикланди.
Бухоро туманидаги ўрта босимли газ қувурида таъмирлаш ишларини бажариш мақсадида 24 декабрь куни соат 13.00 дан 17.00га қадар Бухоро шаҳрининг “Янгиобод” ҳамда Бухоро туманининг “Работи Қалмон” маҳалла фуыаролар йиғинининг баъзи кўчаларида табиий газ таъминоти вақтинчалик тўхтатилди. Таъмирлаш ишлари тугатилганидан сўнг табиий газ таъминоти қайта тикланди.
Тошкент вилоятининг Нурафшон шаҳар Обод маҳалла фуқаролар йиғинида ер ости паст босимли газ қувирида газ сизиб чиқиш ҳолати аниқланганлиги сабабли ушбу ҳудудда соат 12:30 дан 17:00 га қадар жами 350 та аҳоли истеъмолчилари газ таъминотидан вақтинчалик тўхтатилди. Авария ҳолати бартараф этилгандан сўнг барча аҳоли хонадонларида газ таминоти қайта тикланди.
Шу ўринда истеъмолчилардан иситиш мосламаларига эҳтиёткорлик билан муносабатда бўлишларини, газ ускуналаридан фойдаланишда хавфсизлик қоидаларига қаттиқ риоя қилишларини сўраймиз.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
649
