Ҳурматли истеъмолчилар!
Жорий йилнинг 25 декабрь куни истеъмолчиларни ёқилғи-энергетика ресурслари билан таъминлаш бўйича амалга оширилган ишлар юзасидан маълумот бериб ўтамиз.
Хусусан, 25 декабрь куни иссиқлик электр станциялари ва гидро электр станциялари орқали 225 миллион 600 минг киловатт-соат электр энергияси ишлаб чиқарилди. Шундан республика истеъмолчиларига 214 миллион 500 минг киловатт-соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга прогноздаги 94 миллион 696 минг куб метр ўрнига амалда 106 миллион 654 минг куб метр табиий газ етказиб берилди. Шу билан бирга, аҳолига 2 минг 66 тонна суюлтирилган газ етказилди.
Истеъмолчиларни кўмир ва брикет маҳсулотлари билан таъминлаш мақсадида 25 декабрь куни “Ўзбеккўмир” акциядорлик жамияти томонидан 11 минг 597 тонна маҳаллий кўмир маҳсулотлари етказиб берилди.
Иссиқлик электр станцияларидаги барча энергоблоклар ўз номинал қувватида ишламоқда. Иш режими бўйича эътирозлар мавжуд эмас. Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Энергетика вазирлигининг навбатчилик қисмига электр энергияси таъминоти бўйича ҳудудларидан қилинган мурожаатлар жойлардаги масъул мутахассисларга етказилди.
Тошкент вилояти Ангрен шаҳар Навоий кўчаси Деҳқон бозор ҳудуди яқинидан ўтувчи ўрта босимли газ қувурини 25 декабрь куни соат тахминан 00:10 лар атрофида камаз русумли авто улов уриб юборганлиги сабабли, Самаий МФЙ, Чирчиқ, Олмалиқ ва Навоий кўчаларида жойлашган жами 60 та аҳоли хонадонларида табиий газ таъминоти вақтинча тўхтатилган. Авария ҳолати бартараф этилгандан сўнг барча аҳоли хонадонларида газ таминоти қайта тикланган.
Шунингдек, 2020 йил 25 декабрь куни соат 11:00-16:00 вақт оралиғида “Hududgaz Poytaxt” газ таъминоти филиалининг “Ер ости газ қувурлари хизмати” томонидан Учтепа туманининг ТХАЙ кўчасидан ўтган ўрта босимли ер ости газ қувурида таъмирлаш ишлари амалга оширилди. Шу сабабли, мазкур кўчадаги кўп қаватли уйларнинг 48 та хонадон ва 5 та ерли хонадонларда табиий газ таъминотидан вақтинчалик тўхтатилди. Таъмирлаш ишлари тугатилгандан сўнг, табиий газ таъминоти қайта тикланди.
Шу ўринда истеъмолчилардан иситиш мосламаларига эҳтиёткорлик билан муносабатда бўлишларини, газ ускуналаридан фойдаланишда хавфсизлик қоидаларига қаттиқ риоя қилишларини сўраймиз.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
682
