Ҳурматли истеъмолчилар!
Жорий йилнинг 29 декабрь куни истеъмолчиларни ёқилғи-энергетика ресурслари билан таъминлаш бўйича амалга оширилган ишлар юзасидан маълумот бериб ўтамиз.
Хусусан, 29 декабрь куни иссиқлик электр станциялари ва гидро электр станциялари орқали 228 миллион 200 минг киловатт-соат электр энергияси ишлаб чиқарилди. Шундан республика истеъмолчиларига 217 миллион 200 минг киловатт-соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга прогноздаги 94 миллион 696 минг куб метр ўрнига амалда 108 миллион 805 минг куб метр табиий газ етказиб берилди. Шу билан бирга, аҳолига 1 минг 890 тонна суюлтирилган газ етказилди.
Истеъмолчиларни кўмир ва брикет маҳсулотлари билан таъминлаш мақсадида 29 декабрь куни “Ўзбеккўмир” акциядорлик жамияти томонидан 10 минг 711 тонна маҳаллий кўмир маҳсулотлари етказиб берилди.
Навбатчилик давомида электр энергияси таъминоти бўйича ҳудудларидан қилинган мурожаатлар жойлардаги масъул мутахассисларга етказилди.
Табиий газ етказиб бериш бўйича ишлар режага асосан амалга оширилмоқда. Навбатчиликнинг ўтган вақти давомида табиий газ таъминоти бўйича фуқаролардан мурожаатлар келиб тушмади.
Аввал хабар берилганидек, кеча 29 декабрь куни соат 11:00-13:00 вақт оралиғида “Mirobodtumangaz” газ таъминоти бўлими томонидан тумандаги “Афросиёб” кўчаси 21 уй олдида жойлашган Д-50мм газ қувурида газ сизиб чиқиш ҳолати аниқланганлиги сабабли таъмирлаш ишлари амалга оширилди. Шу сабабли, мазкур кўчадаги кўп қаватли 21- уйнинг 64 та хонадонларида табиий газ таъминотидан вақтинчалик тўхтатилди.
“Термиз шаҳаргаз” газ таъминоти бўлимига қарашли Термиз шаҳар, И.Каримов кўчасидан ўтувчи Д 159 мм. ер ости ўрта босимли газ қувурида техник таъмирлаш ишлари олиб борилиши муносабати билан, 2020 йил 30 декабрь куни соат 14:00 дан 16:00 га қадар “Юлдуз”, “Каттабоғ”, “Алпомиш”, “Ўзбекистон”, “Боғишамол”, “Гулистон” маҳалларида вақтинчалик табиий газ таъминоти тўхтатилди.
Шу ўринда истеъмолчилардан иситиш мосламаларига эҳтиёткорлик билан муносабатда бўлишларини, газ ускуналаридан фойдаланишда хавфсизлик қоидаларига қаттиқ риоя қилишларини сўраймиз.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
645
