Ҳурматли истеъмолчилар!
Жорий йилнинг 30 декабрь куни истеъмолчиларни ёқилғи-энергетика ресурслари билан таъминлаш бўйича амалга оширилган ишлар юзасидан маълумот бериб ўтамиз.
Хусусан, 30 декабрь куни иссиқлик электр станциялари ва гидро электр станциялари орқали 235 миллион 400 минг киловатт-соат электр энергияси ишлаб чиқарилди. Шундан республика истеъмолчиларига 214 миллион 900 минг киловатт-соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга прогноздаги 94 миллион 696 минг куб метр ўрнига амалда 109 миллион 809 минг куб метр табиий газ етказиб берилди. Шу билан бирга, аҳолига 1 минг 909 тонна суюлтирилган газ етказилди.
Истеъмолчиларни кўмир ва брикет маҳсулотлари билан таъминлаш мақсадида 30 декабрь куни “Ўзбеккўмир” акциядорлик жамияти томонидан 15 минг 387 тонна маҳаллий кўмир маҳсулотлари етказиб берилди.
Навбатчилик давомида электр энергияси таъминоти бўйича ҳудудларидан қилинган мурожаатлар жойлардаги масъул мутахассисларга етказилди.
Ўртачирчиқтумангаз” газ таъминоти бўлимидан 2020 йил 30 декабрь куни олинган маълумотга кўра, Ўртачирчиқ тумани Сайдовул-Бахт МФЙ, Зарҳаёт кўчасини табиий газ билан таъминловчи ер усти ўрта босимли газ қувури устига дарахт синиб йиқилиши оқибатида табиий газ сизиб чиқиш ҳолати аниқланган. Шу сабабли, ушбу ҳудудда соат 10:00 дан 14:00 гача жами 204 та аҳоли истеъмолчиларининг газ таъминоти вақтинчалик тўхтатилган.
“Термиз шаҳаргаз” газ таъминоти бўлимига қарашли Термиз шаҳар, И.Каримов кўчасидан ўтувчи Д 159 мм. ер ости ўрта босимли газ қувурида техник таъмирлаш ишлари олиб борилиши муносабати билан, 2020 йил 30 декабрь куни соат 14:00 дан 16:00 га қадар “Юлдуз”, “Каттабоғ”, “Алпомиш”, “Ўзбекистон”, “Боғишамол”, “Гулистон” маҳалларида вақтинчалик табиий газ таъминоти тўхтатилди. Таъмирлаш ишларидан сўнг, табиий газ таъминоти қайта тикланди.
Шу ўринда истеъмолчилардан иситиш мосламаларига эҳтиёткорлик билан муносабатда бўлишларини, газ ускуналаридан фойдаланишда хавфсизлик қоидаларига қаттиқ риоя қилишларини сўраймиз.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
485
