Ҳурматли истеъмолчилар!
Жорий йилнинг 5 январь куни истеъмолчиларни ёқилғи-энергетика ресурслари билан таъминлаш бўйича амалга оширилган ишлар юзасидан маълумот бериб ўтамиз.
Хусусан, кеча, 5 январь куни иссиқлик электр станциялари ва гидро электр станциялари орқали 220 миллион 800 минг киловатт соат электр энергияси ишлаб чиқарилди. Шундан республика истеъмолчиларига 213 миллион 600 минг киловатт соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 102 миллион 510 минг метр куб табиий газ етказиб бериш режалаштирилган ҳолда амалда 110 миллион 534 минг метр куб табиий газ етказиб берилди. Шунингдек, республика истеъмолчиларига жами 1 минг 794 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 5 январь куни “Ўзбеккўмир” акциядорлик жамияти томонидан 11 минг 37 тонна кўмир маҳсулотлари етказиб берилди.
Шунингдек, кеча, 5 январь куни Марказий Осиё ягона энергетика тизимининг электр узатиш тармоқларида режадан ташқари содир бўлган узилишлар сабабли аварияга қарши автоматика тизими ишга тушиб энергетика қурилмаларига шикаст етмаслик учун ускуналарнинг технологик ҳимояси автоматик равишда ишлаган ва “Тўрақўрғон”, “Тахиатош”, “Навоий”, “Тошкент” ИЭСларида қувват камайган. Соат 16:51 да “Толимаржон” ИЭСда умумий қуввати 900 МВт бўлган иккита БГҚлари ўчирилди, тизимни ишга тушириш учун таъмирлаш ишлари олиб борилмоқда. Соат 17:10 да “Тўрақўрғон”, “Тахиатош”, “Навоий”, “Тошкент” ИЭСларида аввалги иш режими тикланди. 05:51 да “Толимаржон” ИЭСда ПГУ 30 ГТ ишга туширилиб тизимга уланди.
Корхоналарда қазиб чиқариш ва ишлаб чиқариш ишлари режалаштирилган тартибда олиб борилмоқда. Барча корхоналарда 24 соатлик навбатчилик ташкил қилинган. Энергетика вазирлигининг навбатчилик қисмига электр энергияси таъминоти бўйича ҳудудлардан қилинган мурожаатлар тегишли маъул мутахассисларга етказилди.
2021 йил 6 январь куни соат 10:00-18:00 вақт оралиғида “Uchtepatumangaz” газ таъминоти бўлими томонидан тумандаги “Кўкча Оқтепа” МФЙдан ўтган газ қувурида таъмирлаш ишлари олиб борилиши сабабли, “Журжония” ва “Абдулла Қодирий” МФЙдаги хонадонларда табиий газ таъминоти вақтинча тўхтатилди. Таъмирлаш ишлари тугатилгандан сўнг, табиий газ таъминоти қайта тикланади.
Тошкент вилоятининг Бўка туманидаги “Қўчқорсўйган” МФЙ ҳудудидан ўтган юқори ва ўрта босимли газ қувурида таъмирлаш ишлари олиб борилиши муносабати билан, 2021 йилнинг 6 январь куни соат 10:00-12:00 вақт оралиғида “Қўчқорсўйган”, “Янгиқўрғон” ва “Хўжақўрғон” МФЙлардаги жами 420 та аҳоли хонадонларида табиий газ таъминоти вақтинча тўхтатилди. Таъмирлаш ишлари тугатилгандан сўнг, табиий газ таъминоти қайта тикланди.
Тошкент шаҳар Мирзо Улуғбек тумани Паркент (35 кВ) нимстанцияда янги трансформатор пункти ишга туширилади. Шу муносабати билан “Тўрон”, “Олмачи”, “Олтинтепа”, “Катта Олтинтепа”, “Подшобоғ” ва “Мирзакалон Исмоилий” маҳаллалари ҳудудида эртага 7 январь куни соат 23:45дан соат 02:00га қадар электр энергия узатишда қисқа муддатли узилишлар кузатилади.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
679
