Ҳурматли истеъмолчилар!
Жорий йилнинг 19 январь куни истеъмолчиларни ёқилғи-энергия ресурслари билан таъминлаш бўйича амалга оширилган ишлар ва 20-21 январь кунидаги чора-тадбирлар тўғрисида маълумот бериб ўтамиз
Хусусан, кеча, 19 январь куни иссиқлик электр станциялари ва гидро электр станциялари орқали 206 миллион 200 минг киловатт соат электр энергияси ишлаб чиқарилди. Шундан республика истеъмолчиларига 198 миллион 600 минг киловатт соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 92 миллион 795 минг куб метр табиий ва 1 минг 996 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 19 январь куни “Ўзбеккўмир” акциядорлик жамияти томонидан 11 минг 430 тонна кўмир маҳсулотлари ҳудудларга етказиб берилди.
Сергели тумани “Олчазор” маҳалласи Бирлик кўчасидаги ер усти ўрта босим газ қувурига дарахт синиб тушганлиги сабабли
2021 йил 18 январь соат 20:50 дан 19 январь куни соат 14:00 гача таъмирлаш ишлари олиб борилди. Таъмирлаш ишлари якунлангандан сўнг барча истеъмолчиларга (205 та хонадон) газ таминоти қайта тикланди.
Бухоро вилоятининг Вобкент тумани “Хажувон” МФЙ ҳудудидан ўтувчи юқори босим ер ости газ қувуридаги газ сизиб чиқишини бартараф этиш мақсадида Вобкент тумани “Дустлик”, “Вобкент”, “Ниёзхужа”, “Истиклол”, “Кулолчи”, “Паноб”, “Халач”, “Косари”, “Бешработ”, “Чурикалон”, “Кўчкўмар”, “Муминобод”, “Курувчи”, “Пахтакор”, Работохун”, “Шифокор”, “Шакаркент”, “Чармгарон”, “Кукин”, “Найман”, “Ширин”, “Чорбогкент”, “Шохнигор”, “Арабхона”, “Гулистон”, “Хажувон” МФЙларида газ таъминоти 2021 йил 19 январь куни соат 09:00 дан тўхтатилди (жами 10 625 та хонадон) ва 17:20 да газ таъминоти қайта тикланди.
Навоий вилоятининг “Nurotatumangaz” газ таъминоти бўлими томонидан “Зирабулоқ” МГҚБга қарашли “Нурота” газ тақсимлаш станцияси орқали табиий газ етказиб берувчи Д-325 мм.ли ер ости ўрта босимли газ қувурида таъмирлаш ишларини бажариш режалаштирилган. Шу мақсадда, жорий йилнинг 20 январь куни соат 8:00 дан 17:00 гача ушбу ҳудуддаги истеъмолчилар учун табиий газ таъминоти вақтинча тўхтатилади.
Тошкент вилоятининг Зангиота тумани, “Ўзгариш” ҳудудидан ўтган ўрта босимли газ қувурида таъмирлаш ишлари олиб борилганлиги ҳамда Юқори Чирчиқ туманининг “Бордонкўл” ҳудуди, “Баҳор” ва “Саксонота” ҳудудининг “Сергели” маҳаллаларига газ ҳисоблагич ўрнатилиши сабабли, “Ўзгариш” ҳудудида битта улгуржи истеъмолчида 20 январь куни соат 14:00дан 17:00га қадар ҳамда “Баҳор” ва “Сергели” маҳаллаларидаги 120 та аҳоли хонадонларида соат 09:00дан 17:00га қадар табиий газ таъминоти вақтинчалик тўхтатилди. Таъмирлаш ва ўрнатиш ишлари якунлангандан сўнг, табиий газ таъминоти қайта тикланди.
Шунингдек, 21 январь куни соат 14:00 дан 17:00 га қадар Шайхонтоҳур туманининг “Бешёғоч” мавзеси, “Янги Камолон” МФЙдан ўтган ўрта босимли ер усти газ қувурида ҳамда шу куни соат 11:00 дан 16:00 га қадар Учтепа туманининг ТХАЙдан ўтган ўрта босимли ер усти газ қувурида таъмирлаш ишлари олиб борилиши сабабли, “Янги Камолон” МФЙдаги битта беш қаватли уй ҳамда 4 та улгуржи истеъмолчиларда, шунингдек, Учтепа туманининг ТХАЙ кўчасидаги 1 та кўп қаватли, 5 та ерли хонадон ва 8 та улгуржи истеъмолчиларда газ таъминоти вақтинча тўхтатилади. Таъмирлаш ишлари тугатилгандан сўнг, табиий газ таъминоти қайта тикланади.
Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
678
