Энергетика вазирлиги Маҳалла ва оилани қўллаб қуватлаш вазирлиги билан ҳамкорликда Сирдарё вилоятининг жами 224 та, шу жумладани Сирдарё туманининг 38 та маҳалласида бугунги кундаги электр энергия, табиий ва суюлтирилган газ ҳамда кўмир таъминотидаги муаммоли масалалар танқидий ўрганилди.
Ўрганиш давомида Сирдарё туманидаги 23 та маҳаллани электр энергияси, 15 та маҳаллани табиий газ, 14 маҳаллани суюлтирилган газ ҳамда 14 та маҳалланинг кўмир таъминоти билан боғлиқ муаммолари борлиги аниқланди.
Энергетика вазирлиги ишчи Штаби томонидан Сирдарё туманида ўтказган сайёр йиғилишида, тизим корхоналарига аниқланган муммоларни бартараф этиш бўйича 10 кун муддатда бажарилиш вақти ва масъуллари аниқ белгиланган чора тадбирлар режасини ишлаб чиқиш ва барча тадбирларни 2021 йил 1 сентябргача тўлиқ якунлаш топшириғи берилди.
Шу куннинг ўзида Энергетика вазирлиги ва тизим корхоналари томонидан Сирдарё туманининг “Камолот” маҳалласидаги муммоларни жойида хал этиш чоралари кўрилди. Жумладан, шу куни маҳаллага 15 тонна суюлтирилган газ, 5 тонна кўмир ёқилғиси тарқатилди. Маҳалладаги “Темир дафтар”га киритилган 4 та хонадонга кўмир ва 2 та хонадонга газ плитаси ҳомийлик асосида етказиб берилди. Бундан ташқари электр энергиясида узилишларни олдини олиш мақсадида 4 та эскирган сим ёғочлар янгисига алмаштирилди.
Энергетика вазирлиги ишчи Штаби бошқа ҳудудлар маҳаллаларида ҳам электр энергия, табиий ва суюлтирилган газ ҳамда кўмир таъминотидаги муаммоли масалаларни аниқлаш ва уларни бартараф этиш бўйича ишларни давом эттирмоқда.
Энергетика вазирлиги Матбуот хизмати
902
