Ҳурматли истеъмолчилар!
Жорий йилнинг 30 январь куни истеъмолчиларни ёқилғи-энергия ресурслари билан таъминлаш бўйича амалга оширилган ишлар ва 31 январь кунидаги чора-тадбирлар тўғрисида маълумот бериб ўтамиз.
Хусусан, кеча, 30 январь куни иссиқлик электр станциялари ва гидро электр станциялари орқали 211 миллион 900 минг киловатт соат электр энергияси ишлаб чиқарилди. Шундан республика истеъмолчиларига 208 миллион 100 минг киловатт соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 98 миллион 477 минг куб метр табиий ва 1 минг 402 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 30 январь куни “Ўзбеккўмир” акциядорлик жамияти томонидан 12 минг 219 тонна кўмир маҳсулотлари ҳудудларга етказиб берилди.
Тошкент вилояти, Бўка тумани, “Хўжақўрғон” маҳалласидан ўтган юқори босимли ер усти газ қувурида таъмирлаш ишлари олиб борилганлиги сабабли, 30 январь куни соат 09:00 дан 13:00 га қадар “Янгиқўрғон” ва “Хўжақўрғон” МФЙларида яшовчи 782 нафар хонадонларда газ таъминоти вақтинчалик тўхтатилди. Таъмирлаш ишларидан сўнг, табиий газ таъминоти қайта тикланди.
Диспетчерлик хизматининг маълумотига кўра, 31 январь куни соат 04:40да Тошкент шаҳар, Чилонзор туманининг 20-мавзесидаги кўп қаватли уйларни табиий газ билан таъминлайдиган ўрта босимли ГТНда носозлик юзага келган. Бунинг натижасида, ушбу ҳудуддаги 1800 та хонадонларда (квартира) газ таъминоти вақтинчалик тўхтатилган. Кунниг ёруғ қисмида барча истеъмолчилар огоҳлантирилиб, газ таъминоти қайта тикланди.
Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
607
