ЛУКОЙЛ Компанияси учун одамлар, яъни юқори малакали ходимлар, уларнинг билимлари, тажрибалари ва содиқ меҳнатлари асосий қадрият деб хисобланади. Компания изчил равишда янги иш ўринларини яратмоқда, иш шароитлари эса энг юқори талаб ва стандартларга жавоб беради.
Йирик сармоявий лойиҳаларини амалга ошириш нафақат нефт ва газ соҳасида меҳнат унумдорлиги кўрсаткичларининг ўсишига таъсир қилади, балки республикада фаол демографик ўсиш шароитида айниқса муҳим бўлган аҳоли бандлигининг ўсишига ёрдам беради. Бугунги кунда “ЛУКОИЛ Узбекистан Оперейтинг Компани” МЧЖда 2700дан ортиқ киши меҳнат қилади, уларнинг 92%дан ортиғи ватандошларимиздир.
Замонавий ишлаб чиқаришнинг барча эҳтиёжларига жавоб берадиган кадрларни доимий ва ўз вақтида ривожлантириш Компаниянинг принципиал вазифаси ҳисобланади. ЛУКОЙЛ ҳар йили Ўзбекистон Республикаси қонунчилигига мувофиқ профессионал йўналишлар, халқаро стандартлар, саноат хавфсизлиги, меҳнат ва атроф-муҳитни муҳофаза қилиш соҳасида ходимларни тайёрлаш ва ўқитиш билан бир қаторда ЛУКОЙЛ Гуруҳи ташкилотларида ишчилар учун стажировкаларни ҳам ташкиллаштиради.
ЛУКОЙЛ шунингдек, "Ўзбекнефтегаз" АЖ билан малакали кадрлар тайёрлаш борасида ҳам ҳамкорлик қилади. 100 дан ортиқ Ўзбекистон нефт ва газ соҳаси мутахассислари қудуқларни бурғулашнинг замонавий усуллари, нефт ва газ қазиб олиш, саноат хавфсизлиги ва меҳнатни муҳофаза қилиш, нефт ва газ конларини қидиришнинг замонавий технологиялари (геофизик усуллар) каби соҳаларда ЛУКОЙЛ Гуруҳи корхоналарида Россияда амалиёт ўташди.
Инсон капиталини ривожлантиришга қўшган ҳиссаси, ижтимоий ва меҳнат ва кадрлар масалаларини ҳал этишдаги юқори самарадорлиги учун «ЛУКОЙЛ Узбекистан Оперейтинг Компани» МЧЖ бир неча бор юқори мукофотларга сазовор бўлган – «Ўзбекистоннинг энг яхши иш берувчиси» ва «Мамлакатнинг энг исталган иш берувчиси».
Мамлакат келажаги ёш кадрлар қўлида. Малакали кадрлар тайёрлашга сармоялар йўналтирган ҳолда, ЛУКОЙЛ республиканинг бир қатор олийгоҳлари билан келгусида ўз лойиҳаларида ишлаш учун пуллик шартнома асосида мутахассисларни тайёрлаш бўйича муваффақиятли ҳамкорлик қилмоқда.
- И.М. Губкин номидаги Россия давлат нефт ва газ университетининг Тошкент шаҳридаги филиали;
- Қарши муҳандислик-иқтисодиёт институти;
- Бухоро муҳандислик-технология институти;
- Ислом Каримов номидаги Тошкент давлат техник университети;
- Тошкент шаҳридаги Турин политехника университети;
- Тошкент кимёвий технология институти;
- Тошкент шаҳридаги Инҳа университети.
Жами 2009-2019 йилларда 170 дан ортиқ мақсадли талабалар ЛУКОЙЛ грантлари орқали таҳсил олишди. Талабалар учун ишлаб чиқариш амалиётлари, илмий-техник конферентциялари ва нефт-газ соҳаси бўйича маърузалари ташкил этилади. “ЛУКОЙЛ Узбекистан Оперейтинг Компани” МЧЖда ҳар йили 100дан ортиқ талабалар ишлаб чиқариш ва ўқув амалиётини ўташади.
Кадрларни тайёрлаш ва малакасини ошириш бўйича самарали ишларнинг натижасида ўзбекистонлик мутахассислар август ойида Коми Республикасида (Россия) бўлиб ўтган ЛУКОЙЛ Гуруҳи ташкилотларининг касбий маҳорат танловида муваффақиятли иштирок этишди. Танловда Ўзбекистон ҳамда Россиянинг турли минтақаларидаги “ЛУКОЙЛ” ОАЖ нефтни қазиб олиш таркибий бўлинмаларининг 46 вакиллари иштирок этдилар.
Гулямов Рустам ва Насуллаев Сухробжон "Электр жиҳозларини таъмирлаш ва техник хизмат кўрсатиш бўйича электрчилар" йўналиши бўйича муносиб иштирок этишди ва ҳамкасбларига ЛУКОЙЛнинг Ўзбекистондаги корхоналари ходимларининг профессионаллиги ва маҳоратини намойиш этиб фахрли III ўринни эгаллашди.
Малакали кадрлар сиёсати ва ЛУКОЙЛ ходимларининг салоҳиятини юзага чиқариш учун кенг имкониятлар лойиҳаларни муваффақиятли амалга ошириш ва ишлаб чиқариш мақсадларига эришишнинг калитидир.
1042
