Ҳурматли истеъмолчилар!
Жорий йилнинг 3 февраль куни истеъмолчиларни ёқилғи-энергия ресурслари билан таъминлаш бўйича амалга оширилган ишлар ва 4 февраль кунидаги чора-тадбирлар тўғрисида маълумот бериб ўтамиз.
Хусусан, кеча, 3 февраль куни иссиқлик электр станциялари ва гидро электр станциялари орқали 202 миллион 200 минг киловатт соат электр энергияси ишлаб чиқарилди. Шундан республика истеъмолчиларига 199 миллион 700 минг киловатт соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 86 миллион 869 минг куб метр табиий ва 2 минг 7 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 3 февраль куни “Ўзбеккўмир” акциядорлик жамияти томонидан 13 минг 346 тонна кўмир маҳсулотлари ҳудудларга етказиб берилди.
Бухоро шаҳар “Туткунда” МФЙ ҳудудидан ўтувчи ўрта босимли ер усти газ қувурида таъмирлаш ишлари олиб борилганлиги сабабли, бугун, 3 февраль куни соат 11:50 дан 17:00 га қадар мазкур МФЙдаги 800 та хонадонда табиий газ таъминоти вақтинчалик тўхтатилди. Таъмирлаш ишлари тугатилгандан сўнг табиий газ таъминоти қайта тикланди.
Қарши шаҳар автомобил йўлларида кенгайтириш ва таъмирлаш ишлари олиб борилганлиги муносабати билан, 3 февраль соат 13:00 дан кеч соат 17:00 га қадар Равоқ, Узуннаво, Тўқманғит, Обидида, Шайхали, Гулистон, Кўчкак маҳаллаларида табиий газ таъминоти тўхтатилди. Таъмирлаш ишлари тугатилгандан сўнг табиий газ таъминоти қайта тикланди.
Тошкент вилояти Қибрай тумани “Дўрмон Комплекси” ҳудудидан ўтган ер ости ўрта босим газ қувуридан “Комплекс” қозонхонаси ҳамда Дўрмон МФЙ Арчазор кўчаларига йўналган ер ости ўрта босим газ қудуғида навбатдаги кўрикдан ўтказиш пайтида (обход) газ сизиб чиқиш ҳолати аниқланган. Ушбу носозликни бартараф этиш мақсадида 04 февраль куни соат 10:00 дан юқорида кўрсатилган манзилда 203 та аҳоли табиий газ истеъмолчиларида табиий газ таъминоти вақтинчалик тўхтатилди. Таъмирлаш ишларидан сўнг табиий газ таъминоти кайта тикланди.
Пискент туман газ таъминоти бўлимидан олинган маълумотига асосан, Керувчи МФЙ, Бангавул қишлоғи ҳудудидаги ўрта босимли ер ости газ қувуридан газ сизиб чиқиши аниқланганлиги сабабли, 3 февраль куни соат 22:30да ушбу ҳудудда 80 та хонадон газ таъминотидан ўчирилган. Бугун, 4 февраль куни соат 17:00 да таъмирлаш ишлари тугатилиб, газ таъминоти қайта тикланди.
Шунингдек, 4 февраль куни соат 11:00-17:00 вақт оралиғида “Sergelitumangaz” газ таъминоти бўлими томонидан Сергели тумани 5-мавзеда жойлашган объектда паст босимли ер ости газ қувурини ҳаракатдаги газ қувурига улаш ишлари олиб борилди. Шу муносабат билан туманнинг 5-мавзесидаги 9 қаватли 105, 106, 107, 108, 109 ва 110 уйларнинг жами 288 та аҳоли хонадонлари табиий газ таъминотидан вақтинчалик тўхтатилди. Таъмирлаш ишлари тугатилгандан сўнг табиий газ таъминоти қайта тикланди.
Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
697
