Ҳурматли истеъмолчилар!
Жорий йилнинг 6 февраль куни истеъмолчиларни ёқилғи-энергия ресурслари билан таъминлаш бўйича амалга оширилган ишлар ва 7 февраль кунидаги чора-тадбир тўғрисида маълумот бериб ўтамиз.
Хусусан, кеча, 6 февраль куни иссиқлик электр станциялари ва гидро электр станциялари орқали 203 миллион 800 минг киловатт соат электр энергияси ишлаб чиқарилди. Шундан республика истеъмолчиларига 198 миллион 700 минг киловатт соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 83 миллион 645 минг куб метр табиий ва 1 минг 584 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 6 февраль куни “Ўзбеккўмир” акциядорлик жамияти томонидан 9 минг 694 тонна кўмир маҳсулотлари ҳудудларга етказиб берилди.
Бухоро вилояти “Ғиждувон” ГТСдан келувчи ер ости юқори босимли газ қувурининг Қизилтепа ҳудудидан ўтувчи қисмида газ сизиб чиқиш ҳолати аниқланганлиги ҳамда таъмирлаш ишлари олиб борилганлиги сабабли Ғиждувон туманида 6 февраль куни соат 9:00 дан 17:00 га қадар табиий газ таъминоти вақтинчалик тўхтатилди. Таъмирлаш ишлари якунлангандан сўнг, табиий газ таъминоти қайта тикланади.
Тошкент вилоятининг Зангиота тумани “Хонобод” ҳудуди, “Соҳибкор” маҳалласи, “Барака” кўчасидаги кўп қаватли уйларни табиий газ билан таъминловчи ер ости паст босимли газ қувурида таъмирлаш ишлари олиб борилганлиги сабабли, ушбу ҳудуддаги 150 та аҳоли хонадонларида 2021 йил 6 февраль куни соат 09:00дан 17:00 га қадар табиий газ таъминоти вақтинча тўхтатилди. Таъмирлаш ишлари тугатилгандан сўнг, табиий газ таъминоти қайта тикланди.
Бекабод тумани “Найман”, “Ачамайли” ва “Уяс” МФЙларини табиий газ билан таъминловчи газ қувурида газ сизиб чиқиш ҳолати аниқланган ва таъмирлаш ишларини бажариш учун 2021 йил 6 февраль куни соат 10:00 дан 14:00 га қадар газ таъминоти вақтинчалик тўхтатилган (жами 2150 та хонадон, 16 та улгурчи истеъмолчи). Таъмирлаш ишлари тугатилгандан сўнг, табиий газ таъминоти қайта тикланган.
“Зангиотатумангаз” газ таъминоти бўлимидан олинган маълумотга кўра, Зангиота тумани, Бўзсув ҳудуди, “Ачии сой” маҳалласини газ билан таъминловчи ўрта босимли ер усти газ қувурини автотранспорт воситаси уриб кетиши натижасида ушбу газ қувурининг уланган жойидан газ сизиб чиқиш ҳолати аниқланган. Натижада мазкур ҳудуднинг 120 та хонаданида бугун, 7 февраль куни соат 00:30дан газ таъминоти вақтинчалик тўхталган. Таъмирлаш ишлари тугатилгандан сўнг, табиий газ таъминоти қайта тикланади.
Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
765
