Тошкент шаҳрида Ўзбекистон Республикаси Энергетика вазирлиги кўмагида “Энергетика соҳасида рақамли технологияларни жорий этиш” мавзусида семинар бўлиб ўтди.
Иштирокчилар энергетика ва рақамлаштиришнинг тобора ривожланиб бораётган алоқаларини, ушбу йўналишдаги жаҳон амалиётининг энг яхши намуналарини муҳокама қилдилар. “UzAssystem” ҚК МЧЖ ва Франциянинг “Assystem AEOS” компанияси мутахассислари ушбу мавзу бўйича тақдимотлар ўтказдилар. Семинарда Ўзбекистон ҳукумати идоралари, энергетика соҳасида фаолият юритаётган бир қатор нуфузли компаниялар ва халқаро молия институтлари вакиллари ўз фикрлари билан ўртоқлашдилар.
Муҳокама давомида киритилган таклифлар энергетика тармоғида рақамли технологияларни жорий этиш бўйича эксперт тавсияларини яратишга хизмат қилиши натижасида ушбу ишларни жадал ривожлантириш мумкин бўлади.
Семинарнинг интерактив формати барча манфаатдор мутахассисларга энергетика тармоғини рақамлаштиришнинг замонавий моделлари тўғрисида ўз фикрларини билдиришларига имкон берди ва шу билан уларга республиканинг энергетика соҳасини ислоҳ қилишга ҳисса қўшиш имкониятини яратишга хизмат қилди.
Ўзбекистон Республикаси
Энергетика вазирлиги Матбуот хизмати
932
