Энергетика вазирлиги ҳамда Маҳалла ва оилани қўллаб қувватлаш вазирлиги билан Жиззах вилоятининг жами 285 та, шу жумладани Фориш туманидаги барча 25 та маҳалланинг бугунги кунда электр энергия, табиий ва суюлтирилган газ ҳамда кўмир таъминоти билан боғлиқ муаммолари танқидий ўрганилди.
Ўрганиш давомида Фориш туманидаги 22 та маҳалланинг электр энергияси, 12 та маҳалланинг табиий газ, 16 маҳалланинг суюлтирилган газ ҳамда 2 та маҳалланинг кўмир таъминоти билан боғлиқ муаммолари мавжудлиги аниқланди.
Энергетика вазирлиги ишчи Штаби томонидан Фориш туманида ўтказган сайёр йиғилишида, тизим корхоналарига аниқланган муммоларни бартараф этиш бўйича 10 кун муддатда бажарилиш вақти ва масъуллари аниқ белгиланган чора тадбирлар режасини ишлаб чиқиш ва барча тадбирларни 2021 йил 1 сентябргача тўлиқ якунлаш топшириғи берилди.
Шу куннинг ўзида Энергетика вазирлиги ва тизим корхоналари Фориш тумани “Ухум” маҳалласининг электр энергияси, суюлтирилган газ ва кўмир таъминоти ҳамда “Э.Комилов” маҳалласининг табиий газ таъминоти билан боғлиқ муммоларини жойида бартараф этиш чорларини кўрди. Жумладан, маҳаллага 4 тонна суюлтирилган газ, 3 тонна кўмир ёқилғиси тарқатилди. “Темир дафтар”га киритилган 3 та хонадонга кўмир ва 2 та хонадонга газ плитаси ҳомийлик асосида етказиб берилди. Бундан ташқари, электр энергияси таъминотида узилишларнинг олдини олиш мақсадида эскирган симёғочлар янгисига алмаштириш ва маҳаллани электр энергияси билан таъминловчи трансфоматорда таъмирлаш ишлари амалга оширилди.
Шунингдек, “Э.Комилов” маҳалласининг табиий газ таъминоти билан боғлиқ муаммосини бартараф этиш учун қўшимча газ тақсимлаш пункти ўрнатиб берилди.
Энергетика вазирлиги ишчи Штаби бошқа ҳудудлар маҳаллаларида ҳам электр энергия, табиий ва суюлтирилган газ ҳамда кўмир таъминотидаги муаммоли масалаларни аниқлаш ва уларни бартараф этиш бўйича ишларни давом эттирмоқда.
Энергетика вазирлиги Матбуот хизмати
570
