Энергетика вазирлиги, ҳудудий газ таъминоти корхоналари, ДХХ ва бошқа ҳуқуқни муҳофаза қилувчи органлари билан ҳамкорликдаги тадбирлар давом этмоқда.
Жорий йилнинг февраль ойида олиб борилган тезкор тадбирлар давомида Республика бўйича 139 та ҳолатда улгуржи истеъмолчилар томонидан табиий газдан ноқонуний равишда фойдаланиш ҳолатлари аниқланган ва улар томонидан газ таъминоти корхоналарига етказилган зарар миқдорлари эса 3,1 млрд. сўмни ташкил этган.
Табиий газдан ноқонуний равишда фойдаланиш холатлари асосан, Давлатимиз томонидан барча имкониятлар яратилган ва ишлаб чиқариш фаолияти билан шуғулланувчи тадбиркорлик субъектлари томонидан содир этилаётганлиги ачинарли ҳолат.
Жумладан:
Хоразм вилояти “Хоразм оҳак тайёрлов” МЧЖга қарашли оҳак цехи газ тармоғига ҳеч қандай ҳужжатларсиз ноқонуний уланган ва давлат манфаатларига етказилган зарар миқдори 1,447 млрд. сўмни;
Қашқадарё вилояти “Қарши транс люкс” ХКга қарашли 1 гектар майдондаги ва фуқаро Салимов Обидга қарашли 0,6 гектар майдондаги иссиқхона хўжаликларида ҳам табиий газдан ноқонуний равишда фойдаланиб келинган, давлат манфаатларига етказилган умумий зарар миқдори 0,945 млрд. сўмни;
Навоий вилояти “Филмари” МЧЖга қарашли оҳак цехи газ тармоғига ҳеч қандай ҳужжатларсиз ноқонуний уланган ва давлат манфаатларига етказилган зарар миқдори 0,367 млрд сўмни ташкил этган.
952
