Маълумки, Президентимизнинг 2018 йил 23 октябрда “Электр энергетикаси тармоғини жадал ривожлантириш ва молиявий барқарорлигини таъминлаш чора-тадбирлари тўғрисида”ги қарорига асосан, “Ҳудудий электр тармоқлари” АЖ томонидан мамлакатимиз бўйлаб электр энергиясини ҳисобга олиш ва назорат қилишнинг автоматлаштирилган тизими (АСКУЭ)ни жорий этиш ишлари жадал амалга оширилмоқда.
Шунга кўра, жорий йилнинг 30 сентябридан “Toshelectroapparat” МЧЖ билан ҳамкорликда Наманган вилоятининг Норин ҳамда Учқўрғон туманлари истеъмолчиларига ҳам замонавий электр ҳисоблагичларни ўрнатиш ишлари бошлаб юборилди. Маълумот учун, Норин туманида 30707 та аҳоли вa 2879 та юридик, Учқўрғонда 35041 та аҳоли, 2339 та улгуржи истеъмолчиларга ҳисоблагичлар ўрнатилиши режалаштирилган.
Ҳозирда мамлакатимизнинг 53 та шаҳар ҳамда туманларида 1,6 миллиондан зиёд электр ҳисоблагичлар ўрнатилди. Жорий йил охирига қадар 2,5 миллиондан, 2020 йил якунига бориб, 7 миллиондан зиёд истеъмолчининг барчасига замонавий электр ҳисоблагичлар ўрнатиш ишлари якунланади.
Эслатиб ўтамиз, ҳисоблагичлар истеъмолчиларга “Ҳудудий электр тармоқлари” АЖ маблағлари ҳисобидан бепул ўрнатилмоқда.
Ўрнатилаётган электр ҳисоблагичнинг ишлаши, ундан фойдаланиш қоидалари ва шунга ўхшаган бошқа кўпгина маълумотларни аҳолига етказиш учун махсус видеоролик ҳамда йўриқнома тайёрланиб телеграмм каналига жойлаштирилди.
Айни вақтда ҳисоблагичлар ўрнатишда бирор бир англашилмовчилик ёки таъмагирлик ҳолатлари кузатилаётган бўлса, шунингдек, пул талаб қилинаётган ёки манфаатларингиз камситилаётган бўлса, “Ҳудудий электр тармоқлари”нинг 71-233-01-28, 78-150-75-64 рақамларига ёки Telegram’даги “Hududiy elektr tarmoqlari” AJ bilan muloqot” канали орқали ҳам ўз мурожаатларингизни йўллашингизни сўраймиз.
Ижтимоий тармоқларимиз орқали мурожаат учун:
Телеграм – @hetmuloqot, @HET_admin,
Facebook – Hududiy elektr tarmoqlari.
“Ҳудудий электр тармоқлари” АЖ Матбуот хизмати
1469
