Ҳурматли истеъмолчилар!
Жорий йилнинг 20 февраль куни истеъмолчиларни ёқилғи-энергия ресурслари билан таъминлаш бўйича амалга оширилган ишлар ҳамда 21 февраль кунидаги чора-тадбирлар тўғрисида маълумот бериб ўтамиз.
Хусусан, 20 февраль куни иссиқлик электр станциялари ва гидро электр станциялари орқали 200 миллион 700 минг киловатт соат электр энергияси ишлаб чиқарилди. Шундан республика истеъмолчиларига 194 миллион 200 минг киловатт соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 85 миллион 599 минг куб метр табиий ва 1 минг 448 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 20 февраль куни “Ўзбеккўмир” акциядорлик жамияти томонидан 17 минг 172 тонна кўмир маҳсулотлари ҳудудларга етказиб берилди.
20 февраль куни Тошкент шаҳар Олмазор ва Миробод туманларининг айрим ҳудудларида таъмирлаш ишлари туфайли газ таъминоти вақтинча тўхтатилди. Хусусан:
Олмазор туманида соат 10:00 - 18:00 вақт оралиғида “Шодиёна” МФЙ 2 та 4 қаватли уйларнинг аҳоли хонадонлари ва Миробод туманида соат 10:00 - 14:00 вақт оралиғида “Яҳё Ғуломов” кўчасидаги В-74 кўп қаватли уйнинг 27 та аҳоли хонадонлари ва 6 та йирик улгуржи истеъмолчилари табиий газ таъминотидан вақтинчалик тўхтатилди. Таъмирлаш ишлари тугатилгандан сўнг, табиий газ таъминоти қайта тикланди.
Шунингдек, бугун 21 февраль куни соат 13:55 да “Бекабодтумангаз” газ таъминоти бўлимидан олинган маълумотга асосан, Бекабод тумани, “Оқтепа” МФЙда табиий газ билан таъминловчи ўрта босимли газ қувурини автомашина уриб юбориши натижасида газ сизиб чиқиш ҳолати аниқланган. Ушбу носозликни бартараф этиш ишлари олиб борилди. Шу сабабли ушбу ҳудуддаги 550 та аҳоли хонодонлирида газ таъминоти тўхтатилди. Таъмирлаш ишларидан сўнг, соат 14:45 да тумандаги 550 та хонадонга газ таъминоти қайта тикланди.
Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
670
