Ҳурматли истеъмолчилар!
Жорий йилнинг 21 февраль куни истеъмолчиларни ёқилғи-энергия ресурслари билан таъминлаш бўйича амалга оширилган ишлар ҳамда 22 февраль кунидаги чора-тадбирлар тўғрисида маълумот бериб ўтамиз.
Хусусан, 21 февраль куни иссиқлик электр станциялари ва гидро электр станциялари орқали 199 миллион 200 минг киловатт соат электр энергияси ишлаб чиқарилди. Шундан республика истеъмолчиларига 193 миллион 100 минг киловатт соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 86 миллион 330 минг куб метр табиий ва 290 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 21 февраль куни “Ўзбеккўмир” акциядорлик жамияти томонидан 17 минг 795 тонна кўмир маҳсулотлари ҳудудларга етказиб берилди.
Кеча, 21 февраль куни соат 13:55да “Бекабодтумангаз” газ таъминоти бўлимидан олинган маълумотга асосан, Бекабод тумани, “Оқтепа” МФЙда табиий газ билан таъминловчи ўрта босимли газ қувурини автомашина уриб юбориши натижасида газ сизиб чиқиш ҳолати аниқланган. Ушбу носозликни бартараф этиш ишлари олиб борилди. Шу сабабли ушбу ҳудуддаги 550 та аҳоли хонодонлирида газ таъминоти тўхтатилди. Таъмирлаш ишларидан сўнг, соат 14:45 да тумандаги 550 та хонадонга газ таъминоти қайта тикланди.
Бугун, 22 февраль куни соат 10:00-18:00 вақт оралиғида “Yashnobodtumangaz” газ таъминоти бўлими томонидан тумандаги “Алимкент” кўчасида қурилган янги кўп қаватли уйларни газ билан таъминлаш мақсадида ўрта босимли ер усти газ қувурини ҳаракатдаги газ қувурига улаш ҳамда “Фарғона йўли” кўчасидаги ўрта босимли ер усти газ қувурини хавфсиз жойга кўчириш ишлари амалга оширилди. Шу муносабат билан “Фарғона йўли-15” кўчасидаги 8 та кўп қаватли уйларнинг 136 та аҳоли ва 98 та ерли хонадонлари; “Алимкент” кўчасидаги 100/1 дан 100/5 гача бўлган кўп қаватли уйларнинг 150 та аҳоли хонадонлари ҳамда манзилдаги барча улгуржи истеъмолчилари табиий газ таъминотидан вақтинчалик тўхтатилди. Таъмирлаш ишлари тугатилгандан сўнг, табиий газ таъминоти қайта тикланди.
Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
589
