Ҳурматли истеъмолчилар!
Жорий йилнинг 23 февраль куни истеъмолчиларни ёқилғи-энергия ресурслари билан таъминлаш бўйича амалга оширилган ишлар ҳамда 24 февраль кунидаги чора-тадбирлар тўғрисида маълумот бериб ўтамиз.
Хусусан, 23 февраль куни иссиқлик электр станциялари ва гидро электр станциялари орқали 205 миллион 400 минг киловатт соат электр энергияси ишлаб чиқарилди. Шундан республика истеъмолчиларига 193 миллион киловатт соат электр энергияси етказиб берилди.
Шунингек, сутка давомида ҳудудий газ таъминоти корхоналари томонидан истеъмолчиларга жами 90 миллион 473 минг куб метр табиий ва 2 минг 30 тонна суюлтирилган газ етказиб берилди.
Истеъмолчиларни кўмир ва брикет маҳсулотлари билан таъминлаш мақсадида 23 февраль куни “Ўзбеккўмир” акциядорлик жамияти томонидан 17 минг 251 тонна кўмир маҳсулотлари ҳудудларга етказиб берилди.
“Hududgaz Buxoro” томонидан Бухоро вилоятининг Жондор туманида газ қувуридаги авария ҳолатини бартараф этиш ҳамда таъмирлаш ишлари олиб борилиши мақсадида туманнинг “Демун”, “Шўробод”, “Пўлоти” МФЙларида 23 февраль куни соат 15:00 дан 17:30 га қадар табиий газ таъминоти вақтинчалик тўхтатилиши маълум қилинди.
Тошкент вилоятининг Ангрен шаҳар “А.Темур” кўчасидан ўтувчи ўрта босимли газ қувурида носозлик аниқланганлиги сабабли, “Майдон”, “Гулзор”, “Қорабоғ” ва “Наврўз” маҳаллаларида 24 февраль соат 02:00 дан 18:00 га қадар 780 та аҳоли хонодонлирида табиий газ таъминоти вақтинчалик тўҳтатилди. Таъмирлаш ишлари тугатилгандан сўнг, табиий газ таъминоти қайта тикланди.
Қарши шаҳрининг “Насаф” кўчасидан ўтган ўрта босимли ер ости газ қувурида газ сизиб чиқиш ҳолати аниқланди. Ушбу носозликни бартараф қилиш мақсадида, 24 февраль куни соат 15:00 дан 17:00 га қадар Ғофир Ғулом, Узумзор, Мағзон, Нахшаб, Оқтепа, Наво, Бўстон, Кат, Заҳокимарон, Шоҳбекат, Хўжахиёл, Қарлиқбоғот, Геолог, Хонтепа, Каманди, Янги турмуш маҳаллалари ҳамда 4-5-6-7-митти туманларида табиий газ таъминоти тўхтатилди.
Корхоналарда қазиб чиқариш ва ишлаб чиқариш ишлари режалаштирилган режимда олиб борилмоқда. Барча корхоналарда 24 соатлик навбатчилик ташкил қилинган.
Эслатиб ўтамиз, электр энергияси таъминоти билан боғлиқ масалалар бўйича 1154 ҳамда газ таъминоти масалалари бўйича 1104 қисқа телефон рақамларига мурожаат қилишингиз мумкин.
739
