Тошкент шаҳри туманлари ва Тошкент вилоятининг 7 та шаҳридаги маҳаллаларда ижтимоий-иқтисодий ва маиший масалаларни ўрганиш ҳамда уларни ҳал этиш, аҳоли ўртасида “Обод кўча” ва “Обод хонадон” мезонларини кенг тарғиб этиш механизми бўйича Чирчиқ шаҳрида ҳам аҳолини қийнаб келаётган кўплаб муаммоларни ҳал этиш, айниқса, электр энергия истеъмолчиларининг мурожаатларини чуқур ўрганиш ва уларнинг ечимини топиш юзасидан “маҳаллабай” ишлаш тизимининг йўлга қўйилгани жойлардаги муаммоларни тезкор ва самарали ҳал этиш имконини бермоқда.
Шундан келиб чиқиб, вазирлик ва идоралар, барча соҳалардаги мутасадди ташкилотлар раҳбарлари жойларда аҳоли вакиллари билан очиқ мулоқотлар ўтказиб, одамларни уйлантираётган масалаларни жойида ҳал этишга ҳаракат қилмоқда. Бу жараёнда “Ўзэнергоинспекция” Тошкент ҳудудий бўлими томонидан бир қатор ишлар амалга оширилмоқда.
Хусусан, бўлим томонидан Чирчиқ шаҳрининг “Умид”, Мурувват”, “Турон”, “Гулистон”, “Улуғбек”, “Шарқ”, “Дўстлик”, “Юлдуз”, “Ёшлик”, “Шодлик”, “Нур”, “Мирзо Ғолиб”, “Семурғ”, “Истиқлол”, “Ҳаёт гули”, “Маърифат”, “Наврўз”, “Хумо”, “Ифтихор”, “Иқбол”, “Мир Алишер”, “Лола” ва “Ҳамза” МФЙларда ўрганишлар ўтказилди.
Ўтказилган ўрганишлар натижасида кўп қаватли уйлар олдидаги бир нечта трансформаторларнинг эшикларига қулф осилмаганлиги, кабеллар тартибсиз монтаж қилинганлиги, маҳаллалардаги сим ёғоч таянчларнинг маънан эскирганлиги ҳамда тунги ёритиш чирокларининг етарли даражада ўрнатилмаганлик ҳолатлари аниқланди.
Ушбу трансформатор пунктларидаги аниқланган камчиликлар ўрганиш натижасида мутасадди ташкилотлар иштирокида тўлиқ бартараф этилмоқда. Шунингдек, ҳозирги кунда “Умид” МФЙда 58 дона ва “Мурувват” МФЙда 60 дона маънан эскирган симёғоч таянчлар темир-бетон таянчларга алмаштирилди ҳамда “Тошкент ХЭТК” АЖга МФЙлардаги маънан эскирган симёғоч таянчларни алмаштириш бўйича бажарилиши мажбурий бўлган кўрсатмалар берилди.
Бундан ташқари, етарли даражада ўрнатилмаган тунги ёритиш чироқлариини ўрнатиш бўйича Чирчиқ шаҳар “Ободонлаштириш” бўлимига “Ўзэнергоинспекция” Тошкент ҳудудий бўлими томонидан таклиф ва кўрсатмалар берилди.
Ҳозирги кунда ушбу йўналиш бўйича амалга оширилаётган ишлар “Ўзэнергоинспекция” Тошкент ҳудудий бўлими томонидан доимий назоратга олиниб ўрганишлар давом этмоқда.
“Ўзэнергоинспекция” Матбуот хизмати
579
