Маълумки, электр энергетикаси иқтисодий ўсишнинг барқарорлиги ва аҳоли фаровонлигини таъминлашнинг муҳим омилларидан бири ҳисобланади. Дарҳақиқат, Қорақалпоғистон Республикасида ҳам ушбу тармоқни модернизация қилиш, энергия қувватларини кўпайтириш ва истеъмолчиларни электр энергияси билан узлуксиз таъминлаш борасида салмоқли ишлар амалга оширилмоқда.
Хусусан, ёқилғи-энергетика тармоғининг мавжуд қувватлари энергия ресурсларига ортиб бораётган талаб-эҳтиёжни тўлиқ даражада қаноатлантириш мақсадида қуёш ва шамол сингари қайта тикланувчи энергия манбаларининг имкониятларидан тўлиқ даражада фойдаланиш ҳисобидан ҳамда иқтисодиёт тармоқлари ва ижтимоий соҳанинг энергия самарадорлигини ошириш, энергия тежовчи технологиялар ҳамда қайта тикланувчи энергия манбаларини кенг жорий этиш талаб этилади.
Шу муносабат билан Қорақалпоғистон Республикаси Тахиатош тумани Энергетика коллежи ва тумандаги мактабларда “Ўзэнергоинспекция”нинг Қорақалпоғистон Республикаси ҳудудий булими ходимлари томонидан, энергия самарадорлигини ошириш ва энергия тежаш бўйича ёшларимизга давлатимиз томонидан олиб борилаётган сиёсатни етказиш бўйича семинар ва давра суҳбатлари ўтказилди.
Ушбу семинарда ёшларимизга, Давлатимиз томонидан сўнги йилларда энергетика соҳаси бўйича яъни энергиядан самарали ва оқилона фойдаланиш ва қайта тикланувчи энергия манбаларидан фойдаланиш тўғрисидаги бир қатор қабул қилинган қарорлар юзасидан тушинтириш ишлари олиб борилди.
“Ўзэнергоинспекция”нинг Қорақалпоғистон Республикаси ҳудудий бўлими.
783
