Ўзбекистон Республикаси Энергетика вазирлиги томонидан Наврўз умумхалқ байрамини нишонлаш чоғида ходимлар учун қадимий Самарқандга саёҳат уюштирилди.
Маълумки, Ўзбекистон Республикаси Президентининг 2018 йил 7 февралдаги фармони билан ички туризмни ривожлантириш дастури тасдиқланган. Дастурга мувофиқ Энергетика вазирлиги томонидан ташкилотлар ходимлари учун Ўзбекистон шаҳарларида сайёр турлар ташкил этиш вазифалари белгилаб олинди.
Ташкил этилган саёҳат давомида ходимлар “очиқ-осмон ости музейи” деб ном олган қадимий архитектура ва кўп асрлик шаҳарнинг тарихий обидалари, меъморий манзаралари билан яқиндан танишдилар.
Юқори даражада ташкил этилган саёҳат ва унда тақдим этилган Самарқанднинг буюк тарихига оид маълумотлар вазирлик ходимларида катта таассурот қолдирди. Бундай экскурсиялар анъанавий тарзда келгусида ҳам давом эттирилиши кутилмоқда.
Саёҳат доирасида коронавирус инфекцияси тарқалиши хавфини камайтириш бўйича барча зарур чора-тадбирлар кўрилди.
Ўзбекистон Республикаси
Энергетика вазирлиги Матбуот хизмати
1147
