Бугун маҳаллалар аввалгидек мурожаатлар билан чекланиб қолмай, мавжуд муаммоларга вазирлик ва идоралар, барча соҳалардаги мутасадди ташкилотлар раҳбарлари жойларда аҳоли вакиллари билан очиқ мулоқотлар ўтказиб, одамларни ўйлантираётган масалаларни жойида ҳал этишга ҳаракат қилмоқда.
Бу жараёнда жисмоний ва юридик шахсларнинг муаммоларини жойида ўрганиш юзасидан “Ўзэнергоинспекция” бошлиғи Умаржон Эгамбердиев Андижон вилояти Балиқчи туманидаги тадбиркорлар ва аҳоли истеъмолчилари билан ташкил этилган сайёр қабули катта аҳамият касб этди.
Тумандаги ижтимоий ҳимояга муҳтож бўлган аҳоли хонадонларига жами 250 дона қуввати 7 Вт дан бўлган светодиод лампалар, 10 дона қуввати 10 Втдан бўлган қуёш панелли ёриткичлар, 3 дона қуввати 150 Втдан бўлган қуёш панелли ёриткичлар ўрнатилди.
Ўз навбатида истеъмолчилар томонидан билдирилган мавжуд муаммоларни бартараф этиш юзасидан мутасадди ташкилот вакилларига кўрсатмалар берилди. “Ўзэнергоинспекция” Андижон ҳудудий бўлими томонидан мазкур мурожаатларнинг ижросини таъминлаш тўлиқ назоратга олинди.
“Ўзэнергоинспекция” Матбуот хизмати
718
