Аввал хабар қилинганидек, “Навоий ИЭС” акциядорлик жамиятининг 478 МВт қувватга эга комбинацион циклли буғ-газ қурилмасида жорий таъмирлаш ишлари бошланган эди. Бугун буғ-газ қурилмасининг махсус техник кўрик ишлари якунига етказилди ва тўлиқ қувватларда ишга туширилди.
Бу каби таъмирлаш ишларидан кўзланган мақсад ишлаб чиқариш қувватлари барқарорлигини таъминлаш, фавқулодда ўчишларга йўл қўймаслик ва ишлатилаётган шартли ёқилғи сарфини камайтириш эвазига юқори маҳсулдорликка эришишдир.
– Режада белгиланган ушбу техник таъмирлаш ишларини хорижий мутахассислар билан ҳамкорликда амалга оширдик. Ҳамкорлик лойиҳалари натижасида қурилмаларимиз узоқ йиллар давомида самарали ишлайди, ҳамда энерготизимга узлуксиз ва сифатли электр энергияси етказиб бериш имконияти ортади, - дейди Навоий ИЭС БГҚ цехи етакчи муҳандиси З.Маманов.
“Иссиқлик электр станциялари” АЖ Матбуот хизмати
937
