Мамлакатимиз раҳбарининг топшириғига асосан Энергетика вазирлиги ва унинг тизим корхоналари томонидан “Маҳаллабай” ишлаш тизими бўйича кенг кўламли чора-тадбирлар амалга оширилмоқда. Жумладан, “Иссиқлик электр станциялари” акциядорлик жамияти Тошкент шаҳри Яшнобод туманидаги “Асалобод” маҳалласида белгиланган ишлар ижросини таъминлаб келмоқда. 

 
“Наврўз” умумхалқ байрами муносабати билан маҳаллада хайрия акцияси ташкил этди. 

Акция доирасида “Асалобод” маҳалласида яшовчи кам таъминланган, боқувчисини йўқотган, ногирон, ижтимоий ҳимояга муҳтож “Темир дафтар”га киритилган оилалар, шунингдек, “Аёллар дафтари”да рўйхатда турувчи эҳтиёжманд хотин-қизлар ҳолидан хабар олинди. Уларга байрам муносабати билан озиқ-овқат маҳсулотлари ҳамда маиший техника воситалари тақдим этилди. 

– Наврўзи олам байрами яна бир марта эзгу амаллар, бағрикенглик ва хайр-саҳоват айёми эканлигини исботламоқда. Президентимиз ташаббуслари билан йирик корхоналарнинг “маҳаллабай” ишлаш тизими асосида бугун бизнинг маҳаллада ташкил этилган хайрия акцияси фуқароларимизнинг кўнглини тоғдек кўтарди, – дейди “Асалобод” МФЙ раиси Ф.Ҳодиев. – Йигирма нафар муҳтожлар байрам арафасида моддий ёрдам, рўзғор буюмлари ва бошқа эҳтиёжлари учун зарур маҳсулотларни олиб жуда ҳам хурсанд бўлишди.

Мазкур акцияда Ўзбекистон Республикаси Вазирлар Маҳкамаси ва Энергетика вазирлиги вакиллари, “Иссиқлик электр станциялари” АЖ бошқаруви аъзолари ҳамда ишчи-ходимлар иштирок этишди.

“Иссиқлик электр станциялари” АЖ матбуот хизмати.

30.03.2021

878