2021 йилнинг 16 апрель куни инсон ҳуқуқлари мавзусида ўтказилган анжуманда Ўзбекистон ёқилғи-энергетика мажмуаси (ЁЭМ)нинг ёш мутахассислари, Энергетика вазирлиги тизимидаги ихтисослаштирилган университетларининг профессор-ўқитувчилари ва талабалари иштирок этди.
Тадбир И.М.Губкин номидаги Россия давлат нефть ва газ университети (МТУ)нинг Тошкент шаҳридаги филиали биносида бўлиб ўтди. Унда шунингдек, “ММФИ” Миллий тадқиқот ядро университети филиали ва “МЭИ” Миллий тадқиқот университети” Федерал давлат бюджети олий таълим муассасасининг Тошкент шаҳридаги филиаллари талабалари ва ўқитувчилари иштирок этди.
“Ўзбекистондаги барча ислоҳотларнинг асоси – Инсон ҳуқуқлари ва эркинликларини таъминлаш” мавзусидаги Форум иштирокчиларига Олий Мажлис Қонунчилик палатаси Спикерининг биринчи ўринбосари, Ўзбекистон Республикаси инсон ҳуқуқлари Миллий маркази директори, академик – Акмал Саидов, Олий Мажлиснинг инсон ҳуқуқлари бўйича вакили (Омбудсман) – Феруза Эшматова ва “Ижтимоий фикр” республика жамоатчилик фикрини ўрганиш маркази директори ўринбосари – Виктория Сергеевна Алеексеева каби соҳа мутахассислари тақдимотлар ўтказдилар.
Россия давлат нефть ва газ университети филиалининг илмий-тадқиқот ва инновациялар бўйича директор ўринбосари Салоҳиддин Зуннунович Юнусов замонавий ёш мутахассислар нафақат ўз соҳасини, балки ўз мамлакатининг ривожланиши билан яхши таниш бўлган шахслар, инсон ҳуқуқларини ҳар томонлама таъминлаш, ўз фуқароларининг салоҳиятини рўёбга чиқариш учун шарт-шароит яратиш кераклигини таъкидлади.
Анжуман давомида ёқилғи-энергетика мажмуасининг талаба-ёш мутахассислари Ўзбекистоннинг инсон ҳуқуқлари соҳасида амалдаги қонунчилиги, унинг ҳуқуқни муҳофаза қилиш амалиёти ва мамлакатнинг бу борадаги халқаро мажбуриятларига мувофиқлиги ҳақидаги саволларига жавоб олдилар.
Ўзбекистон Республикаси
Энергетика вазирлиги Матбуот хизмати
987
