2021 йилнинг 14-15 апрель кунлари Бухоро вилоятидаги “Қандим газни қайта ишлаш мажмуаси” (ҚГҚИМ) ҳудудида ёқилғи-энергетика мажмуаси объектлари билан танишиш мақсадида журналистлар учун пресс-тур ташкил этилди.
Шунингдек, 15 апрель куни заводда “Лукойл” ходимлари ўртасида “профессионал маҳорат мусобақаси” II танловининг финал босқичи бўлиб ўтди.
Тадбир 2018 йил 19 апрель куни Ўзбекистон Республикаси Президенти Шавкат Мирзиёев иштирокида очилган Қандим ГҚИМнинг учинчи йиллиги арафасида бўлиб ўтди.
Танловда Ўзбекистон Республикаси Энергетика вазирлиги делегацияси ҳам иштирок этди.
Якуний босқичда иштирок этиш учун Бухоро вилоятида 40 дан ортиқ иштирокчи – “Лукойл”нинг Ўзбекистондаги ишлаб чиқариш объектлари ходимлари йиғилди. Финалчилар 5 йўналиш бўйича ўзаро куч синашди ва ишлаб чиқариш вазифаларини ҳал қилиш учун зарур бўлган касбий маҳоратларни намойиш этишди.
“Самарадорликни ошириш ЛУКОЙЛ фаолиятининг асосий тамойилидир. Бунинг учун янги билим ва ишлаб чиқариш кўникмаларини оширишга интилаётган энг яхши ходимларни аниқлаймиз ва рағбатлантирамиз”, – дейди “ЛУКОЙЛ Узбекистан Оперейтинг Компани” Бош директорининг биринчи ўринбосари, Бош муҳандис Тимур Гайнаншин.
Якуний натижаларга кўра, ғолиблар “ЛУКОИЛ Узбекистан Оперейтинг Компани” МЧЖ ходимлари орасидан электр чилангари, электр ва газ пайвандчиси, нефть ва газ қазиб олиш оператори, кимёвий таҳлил лаборанти ва технологик мосламаларни таъмирлаш техниги каби касблар ичида энг яхши мутахассислар аниқланди.
Танлов ғолибларига фахрий ёрлиқлар ва қимматбаҳо совғалар билан бир қаторда юқори касбий маҳоратга эга ишчиларнинг қўшимча равишда иш ҳақи миқдорлари оширилади.
Қайд этиш керакки, аввалги танлов ғолиблари Қандим мажмуаси электр чилангарлари жамоаси Россияда “Лукойл” гуруҳининг барча ташкилотлари орасида 2019 йилда ғолиб бўлиб, Ўзбекистонлик мутахассисларнинг юксак профессионаллигини намойиш этишди.
Ўзбекистон Республикаси
Энергетика вазирлиги Матбуот хизмати
1042
