Мамлакатимизда шахмат кенг тарғиб қилиш ва уни оммавий спорт турига айлантириш, ўсиб келаётган ёш авлоднинг интеллектуал ва маданий ривожланиши учун зарур шарт-шароитлар яратиш, юқори иқтидорга эга бўлган ёшларни танлаш, саралаб олиш ва уларни профессионал шахматчилар ва халқаро гроссмейстерлар сифатида тайёрлаш тизимини йўлга қўйиш борасида қатор ишлар амалга оширилмоқда.
Хусусан, Президентимизнинг “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида” қарорига асосан, вазирлик, идора ва ташкилотларда ҳар йили икки маротаба ходимлар ўртасида “Шахмат кунлари”ни ташкил этиш ва ушбу кунда ходимлар ўртасида шахмат бўйича мусобақалар ҳамда малакали шахматчилар билан учрашувлар ташкил этиш белгиланган.
Мазкур қарор ижросини таъминлаш мақсадида, Энергетика вазирлигининг тегишли буйруғига мувофиқ бугун, вазирликда 24 апрель санаси “Шахмат куни” деб эълон қилиниб ходимлар ўртасида шахмат бўйича биринчи мусобақа ўтказилди.
Унда вазирлик марказий аппаратидан 30 нафардан зиёд шахмат иҳлосмандлар иштирок этди.
Мусобақани малакали шахматчи, Шахмат бўйича Спорт усталиги номзоди, Олий Лига иштирокчиси, Республика аёллар ўртасида биринчи лига совриндори Шаҳзода Шермуҳаммадова бошқарди.
Қизғин бўлиб ўтган мусобақанинг якуний натижаларига кўра, 1-ўринни Беҳзод Нарматов, 2-ўринни Акмал Эшонқулов ва 3-ўринни Даврон Рустамовлар эгаллашди.
Ғолиблар Энергетика вазирининг тегишли фахрий ёрлиқ ва эсдалик совғалари билан тақдирланди.
Ўзбекистон Республикаси
Энергетика вазирлиги Матбуот хизмати
924
