Жорий йилнинг 28 апрель куни “Ўзбекистон миллий электр тармоқлари” АЖ раҳбар ва тегишли мутахассис ҳодимлар ҳамда Испаниянинг “MRC Consultants and Transaction Advisers S.L.” (ҚК етакчи ҳамкори) консультант компанияси мутахассислари билан учрашув ўтказилди.
Учрашувда шунингдек, “MRC Arge Enerji Müh. Kont. Ve Test Hizm. A.Ş.” (Туркия) (ҚК ҳамкори) ва “ABREST Energy Engineering” (Ўзбекистон) (Субконсультант) консультант компаниялари мутахассислари ҳам иштирок этишди.
“Ўзбекистон миллий электр тармоқлари” АЖ Жаҳон банки билан ҳамкорликда “Электр энергиясини узатиш тизимини ривожлантириш ҳамда қайта тикланувчи энергия манбалари билан интеграциялаш режасини ишлаб чиқиш” (10 йиллик Дастур) инвестиция лойиҳасини амалга оширмоқда. Халқаро тендер натижаларига кўра Испаниянинг “MRC Consultants and Transaction Advisers S.L.” компаниси ғолиб деб топилган.
Лойиҳа мақсади: Электр узатиш тармоғини таҳлил қилиш ва электр энергиясига бўлган талабнинг ўсишини ва анъанавий, шунингдек қайта тикланувчи энергияни ишлаб чиқаришга инвестицияларнинг ўсишини таъминлаш учун мамлакатнинг электр узатиш тармоғини ривожлантиришнинг 10 йиллик режасини тайёрлашдан иборат. Шунингдек, қайта тикланувчи энергия манбаларини тизимга интеграцияси туфайли энергия тақсимлаш тизимида юзага келиши мумкин бўлган муаммоларни таҳлил қилиш ва ушбу муаммоларни ҳал қилиш чораларини белгилашга қаратилган.
Учрашув давомида консультант компания томонидан 10 йиллик Дастурни ишлаб чиқиш доирасида амалга ошириладиган ишлар юзасидан тақдимот ўтказилди. Унда Республикамиз энергетика тизимининг бугунги кундаги ҳолати тўғрисида маълумотлар берилди ҳамда келгусида Электр энегиясини узатиш тизимини ривожлантириш ҳамда қайта тикланувчи энергия манбалари билан интеграциялаш режасини ишлаб чиқиш” бўйича вазифалар белгилаб олинди.
Ўзбекистон Республикаси
Энергетика вазирлиги Матбуот хизмати
1068
