“2017 — 2021 йилларда углеводород хомашёсини қазиб чиқаришни кўпайтириш чора-тадбирлари дастури”ни амалга ошириш доирасида 328 та қудуқда капитал таъмирлаш ишлари якунланди.
Хусусан, ушбу даврда “Андижоннефть” АЖда – 56 та қудуқ, “Жарқўрғоннефть” АЖда – 31, Муборак нефть ва газ қазиб чиқариш бошқармасида (НГҚЧБ) – 75, Шўртан НГҚЧБда – 65, Газли НГҚЧБда – 84, Устюрт НГҚЧБда – 17 қудуқда “Ўзбекнефтгаз” АЖ билан ҳамкорликда “ERIELL Group” компанияси томонидан йирик таъмирлаш ишлари амалга оширилди.
Қудуқларни йирик таъмирлаш доирасида уларнинг ишга яроқлилигини тиклашга қаратилган ишлар комплекси амалга оширилди. Хусусан, қудуқларни ишлатиш вақтида содир бўлган аварияларни бартараф этиш, сув оқимларини изоляциялаш, юқори сермаҳсул фаолиятга ўтиш, ён милни кесиш, оқимни интенсивлаш – хлорид кислота билан ишлов бериш, гидравлик синов каби бир қатор ишларга қаратилган.
Натижада, қудуқларни консервация ёки тугатиш фондларидан фаол бўлганлар сонига қайтаришга эришилади.
ERIELL Group Матбуот Хизмати
793
