Президентимизнинг 2021 йил 2 апрелда “Обод қишлоқ” ва “Обод махалла” дастурларини амалга ошириш бўйича қўшимча чора-тадбирлар тўғрисида”ги ПҚ-5048 сонли қарорига асосан дастурга киритилган қишлоқ ва маҳаллаларда йўл-транспорт инфратузилмаси, муҳандислик - оммуникация тармоқлари ҳамда ижтимоий соҳа объектларини ривожлантириш бўйича амалга ошириладиган ишлар белгилаб берилди.
Ҳусусан, “Обод қишлоқ” ва “Обод маҳалла” дастурлари доирасида Фарғона вилоятининг 4 та шаҳар ва 15 та туманларида жами 34,2 км электр узатиш тармоқлари ҳамда 27 та трансформатор пунктларини янгилаш ва модернизация қилиш белгиланган. Бугунги кунда, ушбу дастурга киритилган қишлоқ ва маҳалларда паст кучланишли тармоқларни янгилаш ва модернизация қилиш ишлари бошланган.
Хусусан, Фарғона вилоятида “Обод маҳалла” дастури бўйича 5 та трансформатор пункти ва 5,8 км электр узатиш тармоғи ҳамда “Обод қишлоқ” дастури бўйича 24 та трансформатор пункти ва 18,0 км электр узатиш тармоғини ўрнатиш ва монтаж қилиш ишлари давом эттирилмоқда.
Бунда “Ўзэнергоинспекция” Фарғона ҳудудий бўлим томондан паст кучланишли электр тармоқларни янгилаш ва модернизация қилиш учун лойиҳа-ҳужжатлари ишлаб чиқилганлиги, қурилиш-монтаж ишлари ушбу лойиҳа ҳужжатларига ва амалдаги норматив-хуқуқий ҳужжатлар талабларига мослиги юзасидан жойларга чиқиб назорат қилинмоқда.
Бундан аниқланган камчиликлар юзасидан масъул ходимларга кўрсатмалар берилиб, камчиликларни бартараф эттириш чоралари кўрилмоқда.
“Ўзэнергоинспекция” Матбуот хизмати
1239
