“Ўзтрансгаз” АЖ ва “KPMG” халқаро компанияси ўртасида тузилган шартномага асосан, Осиё тараққиёт банкининг кўмаги асосида Жамият бошқарув аппарати ҳамда таркибий тузилмаларида меҳнат қилаётган Молиявий ҳисоботларнинг халқаро стандартлари (МҲХС) ва бухгалтерия ходимларининг касбий билими ва малакасини ошириш бўйича ўқув-семинари бошланди.
Машғулотлар давомида “Молиявий ҳисобот тақдимоти”, “Муваққат молиявий ҳисобот”, “Ҳисоб сиёсати, бухгалтерия ҳисоб-китобларидаги ўзгаришлар ва хатолар” каби мавзуларда маълумот берилди.
2 хафтага мўлжалланган дастур асосида олиб борилаётган машғулотлар якунида тингловчиларга КPMG компанияси томонидан сертификатлар тақдим этилади.
Маълумот учун: КPMG - профессионал хизматлар кўрсатувчи, Deloitte, Ernst&Young, PwC каби компаниялар қаторига кирувчи тўртинчи йирик халқаро аудиторлик ташкилоти ҳисобланади. Аввалроқ, “Ўзтрансгаз” АЖ айни компания билан ҳамкорлик лойиҳасини йўлга қўйгани маълум қилинганди.
“Ўзтрансгаз”АЖ Матбуот хизмати
779
