Ўзбекистон Республикаси Энергетика вазирлиги “ERIELL Group” компанияси билан ҳамкорликда Халқаро болаларни ҳимоя қилиш кунига бағишланган “Super Leo – болалар китоби хайрия лойиҳаси” ўтказилди. Унда табиий ресурсларга ҳурмат билан муносабатда бўлишни тарғиб қилувчи, шунингдек болалар ва ота-оналар энергия ресурсларидан самарали фойдаланиш ҳақида танишдилар.
Айниқса, лойиҳа доирасида мактабгача ва бошланғич мактаб ёшидаги болалар учун 10 минг нусхада китоб чоп этилди. Ушбу китоб ҳикояларида Лео шер боласи ва унинг оиласи, энергия тежаш ҳақида осон ва қизиқарли тарзда cўзлаб беришган.
Мазкур “Super Leo” китоблари бугун, 1 июнь куни Тошкент шаҳридаги 74-сонли “Севинч” мактабгача таълим муассасасида бўлиб ўтган байрам тадбирида ушбу таълим муассасасида тарбияланувчи болаларга топширилди. Энергияни тежаш ҳақидаги қизиқарли ҳикояларни болаларга эртак қаҳрамонлари – Лео шер боласи ва унинг ғамхўр ва доно дадаси Лео тақдим этди. Муассасасининг 250 нафар тарбияланувчилари учун буфет столи, аниматорлар ва эртак қаҳрамонлари иштирокидаги кўнгилочар дастур ташкил этилди.
Мактабгача ёшдаги болаларнинг экологик билими ёшлигиданоқ табиатни ва атроф-муҳитни англаш, ҳурмат қилиш ва ҳимоя қилишга ёрдам беради. Улар глобал иқлим ўзгариши шароитида энергия ва ресурслардан фойдаланиш самарадорлиги каби тушунчаларнинг маъносини билиб оладилар. Болалигиданоқ табиий ресурсларга эҳтиёткорлик билан муносабатни шакллантириш жуда муҳим ҳисобланади. Китоб муаллифлари ва ижодкорлари нашриёт жамоаси ҳамда “Dinara&Co” медиа компанияси раҳбарлигида болалар учун информацион эртакни яратиш ғоясидан илҳомланган.
Эртакда кичкина шер боласини ҳақиқий суперқаҳрамонга айлантириш ҳақида ҳикоя қилинади. Бунга фойдали билимлар ёрдам беради. Лео учун кўплаб болалар сингари, қандай қилиб суперқаҳрамон бўлиш ва ўз сайёрасини қутқаришни билиш жуда муҳим эди. Ҳатто у сайёрамизнинг ҳолати, шунингдек, энергиянинг қандай сарфланишига, шу жумладан уйидаги электр энергиясига боғлиқлигига шубҳа ҳам қилмаган эди. Бу ҳақда унга дадаси айтиб беради. Лео ва бошқалар энергияни қанчалик эҳтиёткорлик билан сарфласа, сайёрамизнинг ресурслари янада тежамкор сарфланишини билиб олади.
Янги китоб қаҳрамони жуда кўп янги нарсаларни ўрганади ва бу билан ёш ўқувчиларига ёрдам беради. Янги болалар китоби мактабгача таълим муассасаларига етказилиб, фарзандларимизнинг янада билимли ва масъулиятли бўлиб улғайишига хизмат қилади. Бундан ташқари, китобда болалар учун катталар билан биргаликда олган билимларини мустаҳкамлашга ёрдам берадиган қизиқарли вазифалар ҳам мавжуд.
Мактабгача таълим муассасасида китоб тақдимотидан сўнг эртак қаҳрамонлари Ўзбекистон Энергетика вазирлиги ва “ERIELL Group” вакиллари билан Болалар миллий тиббиёт марказига йўл олдилар. Бу ерда “Юксалиш” умуммиллий ҳаракати томонидан “Эзгу амал” жамоат ташкилоти билан биргаликда ташкил этилган марафон доирасида саратон касаллигига чалинган болалар учун байрам тадбири ташкил этилди. Китобнинг анимацион қаҳрамонлари кичкина беморлар билан суҳбатлашиб, уларга эсдалик совғалари ва ўйинчоқлар совға қилишди. Оғир касал болалар учун 50 миллион сўм миқдорида моддий ёрдам кўрсатилди, бунинг учун зарур дори-дармонлар, тиббий асбоб-ускуналар сотиб олинди ва гемотонкология бўлимида болалар хонаси ташкил этилди.
“Super Leo” – бу мактабгача ёшдан бошлаб энергия самарадорлиги тўғрисидаги билимлардан хабардорликка тарғиб қилувчи хайрия лойиҳаси ҳисобланади. Эртак қаҳрамонлари ҳақидаги ҳикояларни ўрганиш қизиқарли ва ҳаяжонли таассурот қолдиради.
Ўзбекистон Республикаси
Энергетика вазирлиги Матбуот хизмати
1407
