Энергетика вазири ўринбосари Беҳзот Нарматов бошчилигидаги ишчи гуруҳ томонидан Қашқадарё вилоятининг Ғузор туманида инвестиция лойиҳалари доирасида амалга оширилаётган ишлар ҳолати ўрганилди.
Вазирлар Маҳкамасининг 2021 йил 16 февралдаги 74-сонли қарори билан тасдиқланган “2021-2023 йилларда Қашқадарё вилоятининг Ғузор ва Яккабоғ туманлари марказларини ободонлаштириш ва комплекс ижтимоий-иқтисодий ривожлантириш чора-тадбирлари Дастури”га мувофиқ Ғузор туманида 2021-2022 йилда умумий қиймати 263,5 миллиард сўмлик жами 115 та инвестиция лойиҳалари (саноат 31 та, хизмат кўрсатиш 41 та, қишлоқ хўжалиги 43 та) амалга оширилмоқда. Бунинг натижасида 1 минг 317 та иш ўринлари яратилиши режалаштирилган.
Хусусан, 2021 йилда умумий қиймати 168,9 миллиард сўмлик жами 97 та инвестиция лойиҳаларни амалга оширилиши натижасида 866 та янги иш ўринлари яратилиши белгиланган. Худди шунингдек, 2022 йилда умумий қиймати 94,64 миллиард сўмлик 18 та инвестиция лойиҳалари амалга оширилиши натижасида эса 451 та иш ўринлари яратилиши белгиланган.
Дастур ижросини таъминлаш бўйича Ғузор туман ҳокимлигида махсус Ишчи гуруҳ тузилган бўлиб, Дастурга киритилган инвестиция лойиҳаларини амалга ошириш ҳолати тизимли равишда ўрганилмоқда.
Бугунги кунда туманда ичимлик суви таъминотини яхшилаш лойиҳаси доирасида топосъёмка ишлари тўлиқ якунланиб, лойиҳалаштириш ишлари бошланди. Лойиҳага кўра, 1-босқичда 145,2 км ичимлик сув тармоқлари қурилиши натижасида 28 та аҳоли пунктида яшовчи 105,7 минг нафар ёки 51,1 фоиз аҳоли илк бор ичимлик сув билан таъминланади.
Шунингдек, газ таъминоти соҳасида 2021-2022 йилларда туманда 14 та маҳаллани 2 босқичли тизимга ўтказиш орқали табиий газ таъминоти йўлга қўйиш белгиланган бўлиб, жорий йилда 8 та маҳаллани табиий газ билан таъминлаш режалаштирилган.
Жорий йилнинг май ойи ҳолатига кўра дастурга киритилган 115 та инвестиция лойиҳалардан 102 та лойиҳа бўйича тармоқ жадвали ишлаб чиқилиб, тасдиқланди. 13 та лойиҳа бўйича тармоқ жадваллари тижорат банклари томонидан кўриб чиқилмоқда
Жорий йилнинг май ойи ҳолатига Дастурга киритилган ва 2021 йил ишга туширилиши белгиланган 97 та инвестиция лойиҳалардан умумий қиймати 36,4 миллиард сўмлик 28 та лойиҳалар муддатидан аввал ишга туширилиб, 92 та янги иш ўринлари яратилди.
Жорий йилнинг II чорагида 25 та лойиҳа бўйича қурилиш-монтаж ишларини амалга оширилмоқда. 8 та лойиҳа бўйича тижорат банклари томонидан ажратилган 3,74 миллиард сўм маблағлар асосида ускуна ва жиҳозларни сотиб олиш ишлари амалга оширилмоқда. 53 та лойиҳа бўйича қарор билан бириктирилган тижорат банклари томонидан 26,7 миллиард сўм миқдорида маблағлар ажратиш ва молиялаштириш бўйича ишлар олиб борилмоқда.
Шу билан бирга, “Шўртан ГКМ” МЧЖ томонидан ижтимоий соҳага тегишли умумий қиймати 3,37 миллиард сўмлик 4 та лойиҳа амалга оширилмоқда. Бугунги кунга келиб шулардан 1 та лойиҳа – “Обод” МФЙ ҳудудидаги 18-сонли кўп қаватли турар-жой биносини таъмирлаш ишлари якунланган.
“Совбоғ” МФЙдаги 27-сонли ҳамда “Қоракўл” МФЙдаги 72-сонли умумтаълим мактабларини мукаммал таъмирлаш лойиҳалари доирасида объектлар бўйича далолатномасини тайёрланмоқда.
Ўзбекистон Республикаси
Энергетика вазирлиги Матбуот хизмати
925
