Брифингда "Ўзбекнефтгаз" АЖ раисининг ўринбосари У.Ашуров ва Ўзбекистон Республикаси Энергетика вазирлигининг бўлим бошлиғи Н.Муҳиддинов брифингда иштирок этди.
Йиғилишда 09.07.2019 йилда қабул қилинган ПФ-4388 сонли АҲОЛИ ВА ИҚТИСОДИЁТНИ ЭНЕРГИЯ РЕСУРСЛАРИ БИЛАН БАРҚАРОР ТАЪМИНЛАШ, НЕФТЬ-ГАЗ ТАРМОҒИНИ МОЛИЯВИЙ СОҒЛОМЛАШТИРИШ ВА УНИНГ БОШҚАРУВ ТИЗИМИНИ ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА”ги қарорининг мазмун-моҳияти хусусида ОАВ вакилларига тушунтириш берилди.
Ҳужжатга кўра, углеводород қазиб олишни кўпайтириш, газ узатиш тизимини модернизация қилиш, ишлаб чиқаришни ҳисобга олиш ва назорат қилишни яхшилаш, табиий газни қайта ишлаш, ташиш ва сотиш, инвестицион лойиҳаларни янада такомиллаштириш ва оптималлаштириш, молиявий интизомни мустаҳкамлаш ва нефть-газ соҳасида нарх-наво барқарорлигини таъминлаш устувор вазифалар сифатида белгилаб берилган.
Президент қарорида "Ўзбекнефтгаз" АЖ олдида турган муҳим вазифалар, хусусан, 2024 йилга келиб углеводород хом ашёси, шу жумладан, табиий газни ҳозирги 35 дан 42,3 миллирад кубометрга ва суюлтирилган газни 1,5 миллион тоннага етказиш, шу билан иқтисодиёт тармоқлари ва аҳолининг эҳтиёжларини тўлиқ қондиришни, инвестиция киритишнинг хорижий амалиётда кенг тарқалган шартлари ва механизмлари асосида қазиб олиниши қийин бўлган конларда углеводород хом ашёсини қазиб олишга дунёнинг йирик нефть-газ компанияларини жалб қилиш вазифалари белгилаб берилган. Шунингдек, "Ўзбекнефтегаз" АЖ ва унинг корхоналаридаги нодавлат активларини сотиш кўрсатиб ўтилган.
Алоҳида таъкидландики, 2024 йилдан кечиктирмасдан «Ўзбекнефтегаз» АЖ устав капиталларида давлат улушини 51 фоиздан кам бўлмаган миқдорда сақлаб қолган ҳолда, маҳаллий ва халқаро фонд бозорларида акцияларни бирламчи ва иккиламчи оммавий жойлаштириш орқали «Ўзбекнефтгаз» АЖ ва «Ўзтрансгаз» АЖга инвесторлар жалб қилиш бўйича чора-тадбирлар кўрилиши таъкидланган.
Бу эса 2019 йил ҳисобот давридан бошлаб молиявий ҳисоботларни халқаро молиявий ҳисобот стандартларига мувофиқлигини таъминлаш ва халқаро аудиторлик компаниялари иштирокида мустақил ташқи аудиторлик текширувини амалга оширишни талаб этади.
Ўзбекистон Республикаси
Энергетика вазирлиги матбуот хизмати
1277
