Бугунги кунда Ўзбекистон Республикаси Вазирлар Маҳкамасининг 2020 йил 7-февралдаги 67-сонли қарорига мувофиқ белгиланган вазифалар юзасидан бир қатор ишлар амалга оширилиб, бажарилиши давом эттирилмоқда.
Шу тариқа, 5 та янги қурилмаларни қуриш ва 6 та қурилмаларни реконструкция қилишни назарда тутадиган заводни модернизация қилиш лойиҳаси доирасида бугунги кунда Франция давлатининг халқаро лойихалаш “Ахеns” компанияси билан дастлабки ишларни бажариш ҳамда Гидрокрекинг ва Изомеризация қурилмаларини лицензиялаш ва лойиҳалаш бўйича, “Amec Foster Wheeler - WOOD” (Буюк Британия) компанияси билан лицензияланмайдиган қурилмаларни лойиҳалаш ва FEED базавий лойиҳасини ишлаб чиқиш ишлари якунланди.
Лойиҳанинг техник-иқтисодий асоси (ТИА) ишлаб чиқилди ва Ўзбекистон Республикаси Иқтисодий ривожланиш ва камбағалликни қисқартириш вазирлиги ҳузуридаги “Лойиҳaлaр вa импорт контрaктлaрни комплекс экспертизa қилиш мaркaзи” ДУКда экспертизадан ўтказилиб, такдим этилган ижобий хулосалар асосида манфаатдор вазирлик ва Вазирлар Махкамасига тасдиқлаш учун киритилди.
Бугунги кунда вақтинчалик бино ва иншоатлар қуриш хамда қурилиш майдонларини тайёрлаш ишларини йўлга қўйиш ишлари амалга оширилмоқда.
Ҳозирда “Омскнефтехимпроект” МЧЖ (Россия Федерацияси) “UzLiTi Engineering” МЧЖ лойиҳа институтлари билан тузилган ўзаро шартномалар асосида ишчи лойиҳасини ишлаб чиқиш ишлари олиб борилмоқда.
Бундан ташқари ҳозирда “Фарғона НҚИЗ” МЧЖда API стандарти асосида I-гуруҳга мансуб янги турдаги мой махсулотлари ишлаб чиқаришни йўлга қўйиш бўйича йўл харитаси ишлаб чиқилди.
“Jizzakh Petroleum”МЧЖ ҚК, “Фарғона НҚИЗ” МЧЖ, “Bett Chemical” (Хитой) ва “Xinxiang Richfull” (Хитой) компаниялари билан хамкорликда, ушбу компаниялар томонидан ишлаб чиқариладиган қўшимчалар (присадка) асосида мотор, гидравлика ва трансмиссион мойлар ишлаб чиқариш учун рецептлар тайёрланди. “Bett Chemical” ва “Xinxiang Richfull” компанияларидан 23 хил турдаги қўшимчалар олиб келиниб, корхона лабораториясида синовдан ўтказиш учун намунавий партияси ишлаб чиқилди ва ижобий ҳулоса олинди.
Шунингдек, “Фарғона НҚИЗ” МЧЖда янги турдаги мотор, гидравлика ва трансмиссион мойларини “Bett Chemical” ва “Xinxiang Richfull” компаниялари томонидан тақдим этилган қўшимчаларни қўшиш орқали ишлаб чиқариш учун расмий ижобий хулосалар тақдим этилди.
Шундай қилиб, заводни модернизация қилиш бошланишини кутмасдан, маҳсулотнинг янги турларини ўзлаштириш учун октан ошириш қўшимчалари қўшилмаган AИ-95 бензинини ишлаб чиқариш, Евро-4 стандартидаги дизель ёнилғиси, шунингдек маҳаллий бурғулаш корхоналари эҳтиёжлари учун углеводород асосидаги бурғулаш эритмасини ишлаб чиқариш ишлари бошланди.
“Фарғона НҚИЗ” Матбуот хизмати.
773
