Истеъмолчиларни электр энергияси, табиий ва суюлтирилган газ билан таъминлаш сифатини ошириш мақсадида олиб борилаётган модернизация ва реконструкция ишлари: 24 июнь куни амалга оширилган ишлар — айрим ҳудудлар мисолида.
Андижон вилояти:
Олтинкўл туманидаги “Сафаробод” маҳалласида Ташаббус кўчасида 1,9 км электр узатиш ҳаво тармоқлари тортилиб, 1та трансформатор пунктини олиб келиш ва 64 та бетон таянчлари ўрнатилди.
“Маслаҳат” МФЙдаги Иттифоқ кўчасида 3,5 км электр узатиш ҳаво тармоқлари тортилиб, эскирган симёғочлар янгисига алмаштирилди ва 1та трансформатор пунктини ўрнатилди.
Балиқчи туманидаги “Ифтиҳор” махалласидаги 3,5 км электр узатиш ҳаво тармоқлари тортилиб, 2та трансформатор пункти ишга туширилди. Шунингдек, “Дўстлик” МФЙ ҳам 7,8 км электр узатиш ҳаво тармоқлари тортилиб, 2та трансформатор пункти ишга туширилди ва 6 та трансформатор таъмирланди.
Улуғнор туманидаги “Теракзор” МФЙда 3 км электр узатиш ҳаво тармоқлари тортилди ва ақлли ҳисоблагичлар ўрнатиш ишлари якунланди.
Жиззах вилояти:
“Пахтакор” ҚФЙнинг 130 та хонадони мавжуд Бинокор кўчасидаги аҳолини сифатли электр энергияси билан таъминлаш мақсадида шу пайтгача 1280 метр 0,4 кВли электр узатиш ҳаво тармоқларини тортиш ишлари якунига етган бўлиб, 160 кВА трансформатор пункти олиб келинган.
10 кВли электр узатиш ҳаво тармоқларини тортиш ишлари ниҳоясига етказилгач, янги трансформатор пункти ишга туширилади.
Наманган вилояти:
Наманган вилоятининг барча туман ва шаҳарларида электр таъминотини янада яхшилаш мақсадида, йиллик режа асосидаги ишлар амалга ошириб келинмоқда.
Янги Наманган туманининг “Саховат” МФЙ “Мустақилликнинг 100 йиллиги” кўчасида 4 км масофага СИП кабелларини тортиш, 70 дан ортиқ темир-бетон таянч ўрнатиш, қўшимча қуввати 250 кВА бўлган трансформатор пунктини монтаж қилиш ишлари жадаллик билан олиб борилмоқда.
Тошкент шаҳар:
Юнусобод туманида жойлашган юқори кучланишли 110/35/6 кВли “Икарус” подстанциясида 2 та эски 2х16 МВА бўлган трансформаторлар ўрнига, 2 та 2х25 МВА қувватга эга янги трансформаторлар ўрнатилиб, ишга туширилди.
Бухоро вилояти:
Табиий газ истеъмолчилари учун яратилган қулайлик бугун уларнинг тўлов тизими билан боғлиқ муаммоларининг олдини олишда хизмат қилмоқда. Шунингдек, суюлтирилган газ истеъмолчилари учун ҳам бу каби имкониятлар яратилди. Яъни улар энди тўловни нақд пулда эмас, балки карталар орқали амалга ошириш имкониятига эга бўлишди.
Вилоятда 287 та маҳалла фуқаролар йиғинидаги жами 151 мингга яқин суюлтирилган газ истеъмолчиларига карталар тарқатилди.
Сурхондарё вилояти:
Вилоятимизнинг шаҳар ва туманларида аҳоли хонадонларига “Hududgaz Surxondaryo” газ таъминоти филиали томонидан “ақлли” электрон газ ҳисоблагичлари жадал суръатларда ўрнатила бошланди.
2021 йил якунига қадар Сурхондарё вилоятида 107 833 дона замонавий газ ҳисоблагичлари ўрнатилади.
646
