Истеъмолчиларни электр энергияси, табиий ва суюлтирилган газ билан таъминлаш сифатини ошириш мақсадида олиб борилаётган модернизация ва реконструкция ишлари: 25 июнь куни амалга оширилган ишлар — айрим ҳудудлар мисолида.
Андижон вилояти:
Мутахассислар томонидан вилоятдаги 326 та маҳалла фуқаролар йиғинларидаги 1 минг 287,8 километр узунликдаги электр узатиш тармоғи, 332 дона трансформатор пунктини қуриш ва таъмирлаш бўйича 470 та лойиҳа ҳужжати тайёрланди. Айни кунга қадар 332 та лойиҳадаги 779,2 километр электр узатиш тармоғи ва 203 дона трансформатор пункти бўйича экспертиза хулосалари олинди.
Ўзбекистон Республикаси Президентининг 2021 йил 2 апрелдаги “Обод қишлоқ” ва “Обод маҳалла” дастурларини амалга ошириш бўйича қўшимча чора-тадбирлари тўғрисида”ги қарорига асосан вилоятда 2 минг 949 та темир-бетон устун ўрнатилиб, 254,3 километр узунликдаги электр узатиш тармоғи тортилди ва 107 та трансформатор пункти ўрнатилди.
Бухоро вилояти:
Бухоро туманининг “Туркон” ҳамда “Янгиобод” МФЙ ҳудудларида темир-бетон таянчлар ўрнатилиб, СИП кабелларни тортиш ишлари бажарилди.
Сирдарё вилояти:
Вилоятнинг Янгиер шаҳри “Шодлик” ва “Маърифат” маҳаллаларида 120 дан ортиқ темир-бетон таянчлар ўрнатилиб, 12 кмдан ортиқ масофага СИП кабелларни тортиш ишлари бажарилди.
Бухоро вилояти:
Когон туманининг “Тун-ироқ” маҳалла фуқаролар йиғинида 710 та ва Нишовур қишлоғидаги 92 та хонадонга ҳар 35-40 кун давомида суюлтирилган газ баллонлари етказиб берилмоқда.
Навоий вилояти:
Учқудуқ туманида 1699 нафар истеъмолчига газ тўлдириш станциясидан маиший газ баллонларда суюқ газ етказилади. Айни вақтга қадар газ баллон орқали истеъмолчиларга 180 минг 180 кг суюқ газ тарқатилган. Қувурлар орқали эса 736 минг 940 кг газ истеъмол қилинган.
Тошкент шаҳри:
Тошкент шаҳрида табиий газ истеъмолчилари сони 616 799 нафарни ташкил этади. Бугунги кунгача 99 670 та замонавий газ ҳисоблагичлари ўрнатилди.
Хусусан, Миробод туманида жами табиий газ истеъмолчилари сони 40567 та бўлиб, шулардан, 26 847 таси кўп қаватли, 13 720 таси ерлик аҳоли хонадонлари ҳисобланади. 2021 йил, 24 июнь ҳолатига аҳоли хонадонларига , “Hududgaz Poytaxt” ГТФнинг “Mirobodtumangaz” газ таъминоти бўлими томонидан 5650 та электрон газ ҳисоблагичлари ўрнатилган.
584
